| e-texts navigator |
| Wylie |
256b1 ལྔ་པ་ཡིས་ནི་ཡང་དག་བརྒྱན།། སྙིང་རྗེ་ཆེན་པོ་ལས་བྱུང་བ།། ཁ་མར་བལྟས་པའི་དྲུག་པས་བཏགས།། གདོད་མ་མཐའ་མ་མེད་པའི་ལྷ།། དེ་ནི་སྤྱི་བོར་བསྟན་པ་ཡིན།། དེ་དག་གསང་ཆེན་དམ་པ་ཡིན།
256b2 ལྷ་མོ་བདག་གིས་རབ་བསྟན་ནོ།། ལྷ་མོ་བཞིས་ཡོངས་སུ་ཞུས་པ་ལས། ལྷ་མོ་མཱ་མ་ཀཱིས་ཞུས་པ་སྟེ་ལེའུ་གཉིས་པའོ།། ། དེ་ནས་ལྷ་མོ་གོས་དཀར་མོས།། ཡན་ལག་ཀུན
256b3 གྱིས་བཏུད་ནས་སུ། ། ཐལ་མོ་སྙིང་ཁར་སྦྱར་བྱས་ཏེ།། རྡོ་རྗེ་སེམས་དཔའ་ལ་གསོལ་པ།། ཆོས་ཀྱི་དབྱིངས་ཀྱི་བསྡུ་བ་དང་།། སྐུ་གསུང་ཐུགས་ཀྱི་རྡོ་རྗེ་ཡི།། རང་བཞིན་ཉིད་ནི་ཇི་ལྟར་ལགས།། ལྷ
256b4 ཡི་དབང་ཕྱུག་ཁྱོད་ལ་ཞུ། ། གང་གིས་འོད་ཀྱི་གོང་བུར་བསྡུ།། རྡོ་རྗེ་སེམས་དཔའ་ཇི་ལྟར་ལགས།། གསུངས་ཤིག་དེ་ཉིད་ཡོག་འབྲུའི་ཚིག། འདུས་པ་གསུངས་པ་ཇི་ལྟར་ལགས།། ཆུ་ཁམས་དང་།
256b5 ནི་མེ་ཡི་ཁམས།། ཇི་ལྟར་རོ་ནི་མཉམ་པར་འགྱུར།། མ་ལས་སྐྱེ་བ་གསུམ་ཙམ་དང་།། དེ་བཞིན་པ་ལས་སྐྱེ་བ་གསུས།། དེ་དག་དྲུག་སོགས་གོང་བུ་ལས།། ཇི་ལྟར་མི་རྣམས་སྐྱེ་བ་ལགས།། སངས་རྒྱས
256b6 གཟུགས་ནི་བདག་མི་འཚལ། ། ཐུབ་པ་ཆེན་པོས་བཀའ་སྩལ་མཛོད།། རྡོ་རྗེ་ཅན་གྱིས་བཀའ་སྩལ་པ།། གསང་བ་ཤིན་ཏུ་གསང་གྱུར་པ།། ཉོན་ཅིག་ལྷ་མོ་བཤད་པར་བྱ།། སྐྱེ་གནས་དབུས་སུ
256b7 རྩ་གཉིས་ནི། ། གཡོན་དང་དེ་བཞིན་གཡས་པ་སྟེ།། གཡོན་དུ་བྱང་ཆུབ་སེམས་ཤེས་བྱ།། གཡས་སུ་དེ་བཞིན་རཀྟའོ།། དེ་གཉིས་ཕྲད་ནས་གཅིག་འགྱུར་བ།། ཆོས་ཀྱི་དབྱིངས་ནི་འདུས་པ་ཡིན།
iiif viewer powered by OpenSeadragon
