| e-texts navigator |
| Wylie |
256a1 གནས། ། བསྣམ་བྱེད་པ་དང་ཐོས་བྱེད་པ།། དེ་ཚེ་མཐོང་བྱེད་ཟ་བྱེད་པ།། རེག་པར་བྱེད་ཀྱང་དེ་གོ་ནས།། བདེ་དང་སྡུག་བསྔལ་ཚོར་བྱེད་པའོ།། གང་ལས་བཞད་བྱེད་བཟླ་བྱེད་པ།།
256a2 དེ་བཞིན་ཆོ་ངེ་དང་ངུ་བ།། འབྱེད་པ་གཅོད་པ་དེ་ཁ་ནས།། ཆོ་ག་རྣམ་པ་མང་པོ་ཤེས།། རྒྱལ་པོ་དོན་ཡང་བྱེད་པར་འགྱུར།། དབང་ཕྱུག་དོན་ཡང་བྱེད་པར་འགྱུར།། བྲམ་ཟེ་རྒྱལ་པོ་རྗེའུ་རིགས་དང་།།
256a3 དམངས་རིགས་སྨད་པའི་རིགས་རྣམས་དང་།། བུད་མེད་དུ་མ་སྤྲུལ་པར་བྱེད།། དུད་འགྲོ་ཡི་དགས་སྐྱེ་བ་དང་།། གཟུགས་ཅན་རྣམས་དང་གཟུགས་མེད་དང་།། དེ་བཞིན་འདོད་པའི་སྲིད་རྣམས་ལས།།
256a4 འབྱུང་བ་ཐམས་ཅད་སྐུད་བྱེད་པ།། དེ་ཉིད་ཁོ་ན་རྫུ་འཕྲུལ་གནས།། མོ་གཟུགས་དང་ནི་ཕོ་ཡི་གཟུགས།། བདེ་བ་ཆེན་པོ་གོ་འཕང་གནས།། དེ་ལྟར་དེ་བཞིན་ཉིད་ཤེས་པ།། དམ་པའི་ཡིག་འབྲུ་ཤེས་པ
256a5 གང་། ། དེས་ནི་གསང་ཆེན་ཤེས་པ་སྟེ།། གང་དེ་བདག་ཉིད་ཀུན་གནས་པ།། ཁ་དོག་མེད་ཅིང་ཁ་དོག་དམར།། ཁ་དོག་དཀར་དང་སེར་བ་ཡི།། ཐིག་ལེའི་གཟུགས་སུ་བསྒྱུར་བ་འདིས།། འགྲོ་དང་ཕྱིར
256a6 འོད་རྣམ་པར་བསྟན། ། གང་དེ་རིག་པ་རྫུ་འཕྲུལ་ཆེ།། མཐའ་ཡས་བཅས་པ་སྣ་ཚོགས་གཟུགས།། སྐྱེ་དང་བསྡུས་དང་འཇིག་པ་ལ།། ཐིག་ལེའི་གཟུགས་སུ་རབ་གནས་སོ།། གང་གིས་བརྒྱད་ཁྲི་རྩ་བཞིའི
256a7 ཆོས། ། སྟོང་ཕྲག་བརྒྱ་རུ་ཤེས་ན་ཡང་།། དེ་ཡིས་དེ་ཉིད་མི་ཤེས་ཏེ།། དེ་དག་ཀུན་ཀྱང་འབྲས་མེད་དོ།། བཅུ་གཉིས་ལྔ་ཡི་ལྔ་པ་ཡང་།། བརྒྱད་ཀྱི་མཐའ་རུ་འབྱུང་བ་འདུས།། སྒྲ་ཡིག་དང་པོ་ཡི་གེ་ཨ།།
iiif viewer powered by OpenSeadragon
