| e-texts navigator |
| Wylie |
255b1 དེ་གསུངས་ཏེ། ། མཆོད་པ་སྒོམ་པར་གསུངས་པ་ཡིན།། གང་ཚེ་ལས་ཀྱི་ལུས་ཞིག་ན།། དེ་ཚེ་དེ་ཡི་རང་མཐུ་ཡིན།། དེ་འདྲའི་ལུས་སུ་དེ་འགྱུར་ཏེ།། གང་གིས་གཡོ་དང་མི་གཡོ་ཁྱབ།། ནམ་མཁའ་མཉམ་པ
255b2 ཉིད་འདྲ་བ། ། དེ་ནི་གནས་པར་ཤེས་པར་བྱ།། བཅུ་ཡི་གཉིས་མཐའི་ཚིག་གི་དོན།། གང་གིས་རྟག་ཏུ་བསྒོམ་བྱས་ནས།། དེས་ནི་དངོས་གྲུབ་རྒྱས་པ་ཡི།། རྡོ་རྗེ་འཛིན་པར་བདག་ཉིད་འགྱུར།། སོ་དང་ཆུ་དང
255b3 རྐན་དང་ལྕེ། ། མགུལ་གནས་གང་ལ་ཡོད་པ་ནི།། གང་ལ་དེ་ནི་ཡིག་འབྲུ་ཉིད།། དེ་ནི་ཟད་དང་གནས་ཕྱིར་རོ།། བརྗོད་པ་མེད་ཅིང་ཐེ་ཙོམ་མེད།། སྒྲ་ཡིག་རྣམ་པར་སྤངས་པ་ནི།། རང་གི་ཕྱི་ནང་དེ་བཞིན་ཉིད
255b4 བྱང་ཆུབ་སེམས་ནི་འདིར་གསུངས་སོ། ། ལྷ་མོ་བཞིས་ཡོངས་སུ་ཞུས་པ་ལས། ལྷ་མོ་སྤྱན་མས་ཡོངས་སུ་ཞུས་པའི་ལེའུ་སྟེ་དང་པོའོ།། ། དེ་ནས་ལྷ་མོ་མཱ་མ་ཀཱིས།། རྡོ་རྗེ
255b5 ཅན་ལ་འདི་ཞུས་ཏེ། ། བྱང་ཆུབ་སེམས་ཀྱི་རིམ་པ་ཡིས།། ཁ་སྙིང་ལྟེ་བ་གསང་བ་ལ།། འགྲོ་དང་ཕྱིར་འོང་བསྟན་པ་ནི།། རྡོ་རྗེ་ཆེན་པོས་བཀའ་སྩལ་འཚལ།། ཆ་ཤས་རྣམ་པ་དུ་ཞིག་གསུངས།།
255b6 གནས་ཀྱི་རྣམ་པ་བསྒྱུར་བ་དུ།། ཁ་དོག་རྣམ་པ་དུ་ཞིག་གསུངས།། དེ་བཞིན་གདན་ཡང་ཇི་ལྟར་འཚལ།། རྡོ་རྗེ་ཅན་གྱིས་བཀའ་སྩལ་པ།། ཆ་ཤས་བཞི་དང་མཉམ་ལྡན་ཞིང་།། པདྨ་བཞི་ལ་ཡང་དག
255b7 གནས། ། སྙིང་ཁའི་པདྨ་ལ་གནས་གནག། ཁ་ཡི་པདྨ་ལ་གནས་དཀར།། ང་རོ་ལྟེ་བའི་པདྨར་གནས།། གསང་བའི་པདྨང་རོ་མཐའ།། སྟབས་ཀྱི་མཐའ་རུ་འགྲོ་བྱེད་པས།། ཐིག་ལེའི་སྦྱོར་བར་རབ་ཏུ
iiif viewer powered by OpenSeadragon
