| e-texts navigator |
| Wylie |
254b1 སྐྱེ་བར་འགྱུར་བ་ལགས། ། དང་པོ་ཇི་ལྟར་འོང་བ་ཡིན།། དེ་བཞིན་ཕྱིར་འགྲོ་ཇི་ལྟར་ལགས།། ཡན་ལག་མེད་པ་གང་དེ་ནི།། ཡན་ལག་དང་བཅས་འགྱུར་ནས་སུ།། ལུས་དངོས་འགྱུར་བ་ཇི་ལྟར་ལག
254b2 མིག་དང་རྣ་བ་སྣ་དང་ནི། ། དེ་བཞིན་ལྕེ་དང་ལུས་དང་ཡིད།། དབང་པོ་ཕུང་པོའི་དངོས་རྣམས་དང་།། ཁམས་རྣམས་སུ་ནི་འཇུག་པ་ཡང་།། མ་རིག་བག་ཆགས་སྲེད་པ་ཡིས།། བཅིངས་པའི་ཉོན
254b3 མོངས་འདོད་ཆགས་སོགས། ། རྣམ་པར་ཤེས་པ་སྣ་ཚོགས་པ།། ཇི་ལྟར་དངོས་སུ་འདུས་པ་ལགས།། དངོས་པོ་མེད་པ་སྒོམ་པའི་གཟུགས།། གཟུགས་སོགས་སྤྱོད་ཡུལ་མཚན་ཉིད་རྣམས།། རང
254b4 བཞིན་མེད་ཅིང་དམིགས་མེད་ལ། ། དམིགས་པ་དང་བཅས་ཇི་ལྟར་ལགས།། དེ་དག་ངོ་མཚར་ཆེན་པོ་ནི།། བདག་གི་ཐེ་ཚོམ་ལྷས་བཀའ་སྩོལ།། དེ་ལྟར་ཞུས་མ་ཐག་ཏུ་ནི།། བཅོམ་ལྡན་རྡོ་རྗེ་སེམས
254b5 དཔས་གསུངས། ། ཤེས་རབ་ཟབ་པ་ཟད་མེད་ནི།། ཉོན་ཅིག་སྤྱན་མ་བཤད་པར་བྱ།། དཔྱད་དུ་མེད་ཅིང་ཤེས་བྱ་མིན།། དེ་བཞིན་དཔྱད་མཁན་གྱིས་ཤེས་དཀའ།། སངས་རྒྱས་ཀུན་གྱི་གསང་ཆེན
254b6 ནི། ནམ་མཁའི་སྤྱོད་ཡུལ་ལོ།། མི་ཤེས་མུན་པས་བསྒྲིབས་པས་ན།། ཉན་ཐོས་རྣམས་ཀྱིས་ཤེས་པ་མིན།། སྤྱོད་ཡུལ་བག་ཆགས་ཤེས་མཁན་ནི།། རང་སངས་རྒྱས་སུ་སྤྲུལ་པ་སྟེ།། དེ་དག
254b7 ཀུན་གྱིས་ཀྱང་མི་ཤེས། ། ཤེས་མེད་སོ་སོའི་སྐྱེ་གནས་དང་།། མ་འོངས་པ་དང་འདས་པ་དང་།། ད་ལྟར་བྱུང་བའི་དུས་གསུམ་ལ།། བྱོལ་སོང་བག་ཆགས་ལས་བྱུང་བའི།། དུད་འགྲོ་ཡི་དགས་སྐྱེ་བ
iiif viewer powered by OpenSeadragon
