| e-texts navigator |
| Wylie |
253b1 བཅོམ་ལྡན་ལ། ། ལན་གསུམ་དུ་ནི་བསྐོར་བྱས་ནས།། རྡོ་རྗེ་འཆང་ལ་ཡང་དག་བསྟོད།། ཨེ་མ་ཧོ་ཀུན་འགྲོ་ཀུན་དབང་ཕྱུག། ནམ་མཁའ་དང་ནི་མཚུངས་པ་བརྙེས།། ཨེ་མའོ་དམ་ཚིག་དེ་ཉིད
253b2 གསུམ། ། མཆོག་ཏུ་རྨད་བྱུང་སྟོན་པར་མཛད།། ཁམས་གསུམ་ལས་ནི་རྣམ་པར་གྲོལ།། ཆོས་ཀྱི་དབྱིངས་ཀྱི་ངོ་བོ་ཉིད།། འདོད་པ་རྣམས་ཀྱིས་མ་གོས་པ།། དམིགས་མེད་ཁྱོད་ལ་ཕྱག་འཚལ་ལོ།།
253b3 ཕུང་པོ་རྣམས་དང་ཁམས་རྣམས་དང་།། སྐྱེ་མཆེད་རྣམས་ལ་མི་རྟེན་ཅིང་།། སྲིད་དང་མྱ་ངན་འདས་ལས་གྲོལ།། དམིགས་མེད་ཁྱོད་ལ་ཕྱག་འཚལ་བསྟོད།། དེ་ལྟར་ནམ་མཁའ་གནས་མེད་ཅིང་།། སྤྲོས་པ
253b4 མེད་ཅིང་གོས་པ་མེད། ། མཁའ་དང་མཉམ་པའི་ཐུགས་མངའ་བ།། དམིགས་མེད་ཁྱོད་ལ་ཕྱག་འཚལ་བསྟོད།། དེ་ནས་བཅོམ་ལྡན་འདས་ཀྱི་སྤུ།། འཇིག་རྟེན་གསུམ་ལས་རྒྱལ་གྱུར་པ།། འཇིག་རྟེན
253b5 གསུམ་འདི་རྣམ་པར་གཡོས། ། བདུད་རྣམས་བཅོམ་པར་མཛད་ནས་ནི།། འཇིག་རྟེན་གསུམ་གནས་ལྷ་ལས་རྒྱལ།། ཁྲོ་བོ་བཅུ་ནི་ཀུན་ནས་ནི།། འཇིག་རྟེན་གསུམ་རྒྱལ་གཙོ་བོ་ཡིས།། འདི་ལྟར་བཀའ་ནི་བསྒོ་བར་འགྱུར།།
253b6 ས་ཡི་ཆ་ནི་གང་ན་འདི།། རྡོ་རྗེ་འཕྲེང་བའི་མངོན་བརྗོད་པའི།། རྣལ་འབྱོར་ཆེན་པོའི་དམ་ཚིག་རྒྱུད།། དུས་ཀུན་ཏུ་ནི་སྤྱོད་འགྱུར་ཞིང་།། རྒྱུན་དུ་དེ་ཉིད་རང་ཉིད་ཀྱིས།། ཁྲོ་བོ་བཅུ་ཡིས་དེ་ལས་ནི།། རྟག་ཏུ་ཕུར
253b7 བུས་དགེགས་ཀུན་ལ། ། བསྲུང་བའི་དོན་དུ་ཡུལ་འཁོར་དེར།། རང་རང་འཕྲེང་བའི་སྔགས་ཀྱིས་ནི།། དེ་རྣམས་ལ་ནི་གཏོར་མ་དབུལ།། སེམས་ཅན་ཡོངས་སུ་གཟུང་བའི་ཕྱིར།། སྣ་ཚོགས་སྤྲུལ་པ་བསྟན་ནས་ནི།།
iiif viewer powered by OpenSeadragon
