| e-texts navigator |
| Wylie |
253a1 མཉམ་དུ་གནས་པ་ཞེས་བྱར་བརྗོད།། གྱེན་དུ་འགྲོ་ཞིང་སྡུད་པ་དང་།། བཟའ་དང་མྱང་བ་ལ་སོགས་པ།། ཤེས་དང་ལྷན་ཅིག་འབྱོར་པ་དག། གྱེན་རྒྱུའི་ལས་སུ་ཤེས་པར་བྱ།
253a2 ཁྱབ་དང་འཛིན་པ་ཉིད་དང་ནི།། དེ་བཞིན་འགྲོ་དང་ལྡོག་པ་སོགས།། ཚིག་ཀུན་ཏུ་ནི་ཁྱབ་པའི་ཕྱིར།། ཁྱབ་བྱེད་ཅེས་ནི་བྱ་བར་བཤད།། རླུང་གི་མཚན་ཉིད་བཤད་པ་ནི།། དེ་ནས་དེ་ཡི་འཇིགས་པར་བརྗོད།། །
253a3 སྔ་མ་བཞིན་དུ་བཏང་བཟུང་སོགས།། ཕན་ཚུན་དུ་ནི་གནོད་པར་བྱེད།། གཞན་ནི་གཞན་ལ་འཚེ་བ་ཡིན།། སྟོབས་ནི་ཐོབ་པའི་རང་བཞིན་གྱིས།། གཅིག་ནི་གཅིག་ལ་ཐིམ་པར་འགྲོ།། ཇི་ལྟར་ཟླ་བ
253a4 གཟས་བཟུང་ལ། ། རླུང་རྣམས་རིམ་གྱིས་ཉམས་འགྱུར་བ།། སྔ་མ་བཞིན་དུ་གོང་ནས་གོང་།། རང་གི་བདག་ཉིད་ལ་ཐིམ་པར།། བཏང་བཟུང་སླར་ཡང་འགྲོ་བར་བྱེད།། ཇི་ལྟར་མེས་བསྲེགས་དངོས
253a5 མེད་དང་། ། རྒྱུ་མེད་པར་ནི་ཐིམ་པར་འགྲོ།། སླར་ཡང་སྲོག་གི་རླུང་ཤར་བ།། ལས་ཀྱི་རླུང་ནི་སྣ་ཚོགས་པ།། དེ་ནི་ལྷན་ཅིག་རྣམ་ཤེས་དང་།། སླར་ཡང་འཇིག་རྟེན་གསུམ་དུ་གནས།། དེ་ལས་ལས་དང་དེ
253a6 ལས་སྐྱེས། ། དེ་ལས་ཆགས་སོགས་བག་ཆགས་དང་།། དེ་ལས་སླར་ཡང་འཆི་དང་སྐྱེ།། དེ་ལྟར་འཁོར་ལོ་བསྐོར་བ་འདྲ།། སྔོན་བཞིན་རྡོ་རྗེ་བཟླས་ལ་སོགས།། རིམ་གྱིས་དེ་ཡི་དབྱེ་བར་འགྱུར།།
253a7 དེ་ནས་སེམས་དཔའ་ཆེན་པོ་ཀུན།། དེ་ཉིད་མིག་སྨན་ཐུར་མ་ཡིས།། ཐམས་ཅད་འཁྲུལ་པའི་ལོང་བ་བསལ།། ཡང་དག་དངོས་པོ་ཉིད་ནི་མཐོང་།། དེ་ནས་ཡང་ཡང་ཕྱག་བྱས་ཏེ།། མཆི་བཅས་མིག་གིས
iiif viewer powered by OpenSeadragon
