| e-texts navigator |
| Wylie |
251b1 མཚམས་སུ་ནི། ། མེ་ལོང་ཡེ་ཤེས་སུ་ནི་བཤད།། རྣམ་པར་སྣང་མཛད་རྣམ་དག་ཉིད།། བདེ་དང་སྡུག་བསྔལ་འཇིགས་དང་སྐྱོ།། ཚོར་བའི་མཚན་ཉིད་དུ་ནི་འདོད།། ཚོར་བ་ཆུ་ཡི་ཁམས་དང་ནི།།
251b2 ཕྱི་རོལ་སྒྲ་ནི་རྡོ་རྗེ་དང་།། རྣ་བ་ཕྱག་ན་རྡོ་རྗེར་བཤད།། རིགས་ནི་གཉིས་པོ་འདྲེས་པ་ཉིད།། དྲི་ཡི་རྡོ་རྗེ་ཕྱི་རོལ་འགྱུར།། སྣ་ཡི་རྣམ་ཤེས་མཁའ་སྙིང་པོ།། ཁྲོ་བོ་གཉིས་པོ་རྣམ་པར་ཤེས།། མཉམ
251b3 ཉིད་རིན་ཆེན་འབྱུང་བ་དང་། ། དངོས་དང་དངོས་མེད་སོགས་འདུ་ཤེས།། སྔ་མ་རྗེས་དྲན་མཚན་ཉིད་ཅན།། འདུ་ཤེས་ཕུང་པོ་མ་ཁམས་དང་།། ཕྱི་རོལ་དྲི་ཡི་རྡོ་རྗེ་དང་།། ལྕེ་ཡི་རྣམ་ཤེས་འཇིག་རྟེན་མགོན།།
251b4 བཞིན་ཁྲོ་བོའི་རྒྱལ་པོ་གཉིས།། དེ་ནི་སོ་སོར་རྟོག་ཡེ་ཤེས།། འོད་དཔག་མེད་ཀྱི་རིགས་ལས་འབྱུང་།། དགེ་དང་མི་དགེའི་ལས་རྣམས་ཀྱིས།། བག་ཆགས་འདུ་བྱེད་མཚན་ཉིད་ནི།། འདུ་ཤེས་ཕུང་པོ་རླུང
251b5 གི་ཁམས། ། ཕྱི་རོལ་རོ་ཡི་རྡོ་རྗེ་དང་།། ལུས་ཀྱི་རྣམ་ཤེས་སྒྲིབ་རྣམསལ།། ཀུན་བཟང་ཚིགས་ཀྱི་མཚམས་དབུས་བཞུགས།། དེ་བཞིན་ཁྲོ་བོའི་རྒྱལ་པོ་གཉིས།། བྱ་བ་ནན་ཏན་གྲུབ་ཡེ་ཤེས།། དོན་ཡོད་གྲུབ་པའི
251b6 རིགས་ལས་བྱུང་། ། དངོས་པོ་ཀུན་གྱི་རང་བཞིན་ནི།། ཡེ་ཤེས་མཚན་ཉིད་རྣམ་ཤེས་བརྗོད།། རྣམ་པར་ཤེས་པ་ནམ་མཁའི་ཁམས།། ཡིད་ཀྱི་རྣམ་ཤེས་འཇམ་རྡོ་རྗེ།། དེ་བཞིན་ཁྲོ་བོའི་རྒྱལ་པོ་གཉིས།། ཤིན་ཏུ
251b7 རྣམ་དག་ཆོས་ཀྱི་དབྱིངས། ། མི་བསྐྱོད་པ་ཡི་རིགས་ལས་བྱུང་།། མངོན་པར་བྱང་ཆུབ་རྣམ་པ་ལྔ།། གཞལ་ཡས་ཁང་ན་འདི་དག་བཞུགས།། དེ་ཉིད་ཁམས་ཀྱི་དབྱེ་བ་ཡིས།། རིམ་པ་ཇི་བཞིན་བཤད་པར་བྱ།།
iiif viewer powered by OpenSeadragon
