| e-texts navigator |
| Wylie |
251a1 སྒོ་ཡི་དབྱེ་བ་ཡིས།། སྒོ་བཞི་ཞེས་ནི་བཤད་པ་ཡིན།། སྣ་རྩེ་བཞི་ཡི་དབྱིགས་ཀྱིས་ནི།། རྟ་བབས་བཞི་ནི་བརྗོད་པར་བྱ།། དྲ་བ་རྒྱུ་མར་ཡང་དག་བཤད།། རྒྱུས་པར་གྱུར་པ་དྲབ་བྱེད
251a2 ཆ་ནི་ཟླ་བ་ཕྱེད་པ་དང་། བུམ་པ་ལྟོ་བར་ཡང་དག་ཤེས།། རྗེ་ངར་བརླ་དཔུང་ལག་ངར་ནི།། ཀ་བ་བརྒྱད་དུ་ཡང་དག་བཤད།། མིག་གི་རྣམ་ཤེས་མ་ལོང་སོགས།། སྒྲ་ཡི་རྣམ་ཤེས་རོལ་མོ་དང་། སྣ་ཡི་རྣམ
251a3 ཤེས་མེ་ཏོག་འཕྲེང་། ། རིན་ཆེན་ཕ་གུ་ལྕེ་རྣམས་ཤེས།། ལུས་ཀྱི་རྣམ་ཤེས་རས་འཕན་དང་།། ཡིད་ཀྱི་རྣམ་ཤེས་རི་དགས་སོ།། མིག་ནི་འཁོར་ལོའི་མཚན་མ་དང་།། རྣ་བ་ཀུན་ནས་རྡོ་རྗེ་རྣམས།། སྨན
251a4 བ་དན་དུ་ནི་བཤད། ། ལྕེ་ནི་དྲིལ་བུ་རུ་ནི་གསུངས།། རྔ་ཡབ་ལ་སོགས་རྣམ་དག་པ།། ལུས་ཀྱི་ཚོགས་ཞེས་བྱ་བར་བཤད།། ཡིད་ནི་དབུས་ཀྱི་པདྨ་གསུངས།། རྣམ་རྟོག་རླུང་ནི་ཡང་དག་བརྟེན།། ཡེ་ཤེས
251a5 ལྔ་ནི་རྣམ་དག་པ། ། རེ་ཁཱ་ལྔར་ནི་ཡང་དག་བརྗོད།། ཕུང་པོ་ལྔ་ནི་རྣམ་དག་ལྔ།། རྣམ་དག་ཁ་དོག་ལྔ་ནི་དབྱེ།། དེ་དག་གཞལ་ཡས་ཁང་དུ་སྒོམ།། དང་པོར་སྦྱོར་བར་ཤེས་པར་བྱ།། མངོན་པར་བྱང་ཆུབ
251a6 རྣམ་པ་ལྔ། ། རིགས་ཀྱི་དབྱེ་བ་རང་ངོ་བོ།། དེ་ཉིད་ཕྱི་རོལ་གནས་པར་བརྗོད།། དཀྱིལ་འཁོར་རྣམ་པར་དག་པའོ།། ཁམས་བཞིའི་རང་བཞིན་བདག་ཉིད་ནི།། གཟུགས་ཀྱི་ཕུང་པོ་མདོར་བསྡུས་ན།
251a7 གཟུགས་ཀྱི་ཕུང་པོ་རྣམས་དང་ནི།། མིག་གི་རྣམ་ཤེས་ས་སྙིང་པོ།། ཕྱི་རོལ་གཟུགས་ཀྱི་རྡོ་རྗེར་བཤད།། བྱམས་པ་རྩ་རྒྱུས་དབུས་ན་བཞུགས།། དེ་བཞིན་ཁྲོ་བོའི་རྒྱལ་པོ་གཉིས།། ཤར་དང་ལྷོ་ཡི
iiif viewer powered by OpenSeadragon
