| e-texts navigator |
| Wylie |
250b1 འཛིན་པ་སྟེང་དུ་རྣམ་པར་སྤེལ།། སྔར་བཤད་པ་ཡི་བདུད་རྩི་ལྔ།། འདི་ནི་བཅུད་ཀྱིས་ལེན་དུ་བརྗོད།། འདི་ཉིད་ཀྱིས་ནི་གྲུབ་པར་བྱེད།། ལྕགས་ཀྱི་གསེར་འགྱུར་བྱས་ནས་ནི།། རྡོ་རྗེ་ཕྱག་རྒྱ་དངོས་གྲུབ་ཆེ།།
250b2 ཟུང་དུ་འཇུག་པས་ཐོབ་པར་འགྱུར།། བསྐྱེད་པའི་རིམ་པའི་སྦྱོར་བ་དང་།། དེ་བཞིན་རྫོགས་པའི་རིམ་པ་ཡང་།། གང་ལ་དེ་གཉིས་གཅིག་འགྱུར་བ།། དེ་ནི་ཟུང་དུ་འཇུག་པར་བཤད།། འཁོར་བ་དང་ནི
250b3 མྱ་ངན་འདས། ། རྟོག་པ་གཉིས་པོ་སྤངས་པས་ནི།། གང་དུ་དངོས་པོ་གཅིག་འགྱུར་བ།། ཟུང་དུ་འཇུག་ཅེས་དེ་ལ་བཤད།། ཀུན་རྫོབ་དང་ནི་དོན་དམ་དག། རྟོག་པ་གཉིས་དང་རྣམ་པར་བྲལ།།
250b4 གང་དུ་ཡང་དག་འདྲེས་གྱུར་པ།། དེ་ནི་ཟུང་དུ་འཇུག་པར་བཤད།། རྡོ་རྗེ་བཟླས་པའི་རབ་སྦྱོར་བས།། རླུང་གི་མཚན་ཉིད་ཤེས་ནས་ནི།། རྣམ་རྟོག་རླུང་རྣམས་རྣམ་པར་གཅོད།། སེམས་ལ་དམིགས
250b5 པ་ཐོབ་པར་འགྱུར། ། བདག་ལ་བྱིན་རླབས་རིམ་པས་ཀྱང་།། དངོས་གྲུབ་བརྒྱད་ནི་ཐོབ་པར་འགྱུར།། སྣང་བ་ལ་སོགས་དབྱེ་བ་ཤེས།། མངོན་པར་བྱང་ཆུབ་རིམ་པ་ཐོབ།། ཟུང་འཇུག་རིམ་པ་ལ་གནས་པ།
250b6 དངོས་གྲུབ་ཐམས་ཅད་བསྡུས་པ་ནི།། ཚེ་འདི་ཉིད་ལ་འགྲུབ་པར་འགྱུར།། རྣལ་འབྱོར་པ་ཡིས་ཐེ་ཙོམ་མེད།། ཕྱག་རྒྱ་ཆེན་པོའི་དངོས་གྲུབ་ཆེར།། ཟུང་དུ་འཇུག་པའི་ཏིང་འཛིན་གྱིས།། རྣམ་རྟོག་མེད་པར
250b7 ཞུགས་ནས་ནི། ། ཐོབ་པ་འདི་ལ་ཐེ་ཙོམ་མེད།། ལུས་ནི་གཞལ་ཡས་ཁང་དུ་འགྱུར།། སངས་རྒྱས་ཀུན་གྱིས་ཡང་དག་བརྟན།། ཟུར་བཞི་པ་ནི་མདུན་རྒྱབ་དང་།། གཡས་དང་གཡོན་གྱི་དབྱེ་བས་སོ།། སྟེང་རྟོག།
iiif viewer powered by OpenSeadragon
