| e-texts navigator |
| Wylie |
250a1 རྩ་བའི་འཁོར་ལོ་བྱིན་གྱིས་བརླབ།། མཚན་གསུམ་ཉིན་མོ་དེ་དང་འདྲ།། མངོན་ཤེས་ལྔ་ཉིད་ཐོབ་པར་བྱེད།། བཞི་པ་ཡིས་ནི་དབང་བསྐུར་བས།། བློ་ལྡན་དེ་ཉིད་མཐོང་བར་འགྱུར
250a2 སྣང་བ་མཚན་མོའི་ཆ་རུ་འགྱུར། ། ཉིན་མོ་སྣང་བ་མཆེད་པའོ།། མཚམས་ནི་སྣང་བ་ཐོབ་པའོ།། དེ་ལྟར་སྣང་ལ་སོགས་མཚན་ཉིད།། མཚན་མིན་མཚམས་དང་ཉིན་མོ་མིན།། ཀུན་རྟོག་རླུང་ནི་སྤོང་བར་བྱེད།།
250a3 དེ་ནི་སྐད་ཅིག་མངོན་བྱང་ཆུབ།། མཚན་ཉིད་སྐད་ཅིག་མར་ནི་བརྗོད།། ཐ་མར་འབྱུང་དང་ཐོག་མར་འབྱུང་བ་འམ།། དབུས་མིན་འབྱུང་བའང་དབུས་སུ་འབྱུང་བ་འམ།། མཐའ་མིན་འབྱུང་བའང་མཐར་ནི
250a4 འབྱུང་བ་འམ། ། དེ་ནི་ཐམས་ཅད་སྟོང་པའི་སྐད་ཅིག་གཅིག་ཏུ་གསུངས།། གང་དུ་འགྲོ་བ་དང་ནི་འོང་མེད་ཅིང་།། ཟད་མེད་འཕེལ་མེད་དངོས་མེད་མིན།། ངོ་མཚར་གཟུགས་ཅན་ཡིན་ཞིང་ངོ
250a5 མཚར་མིན། ། གནས་པར་འགྱུར་མིན་མྱུར་དུ་འགྲོ་བ་མིན།། གང་ཞིག་ཡོད་དང་མེད་པའི་ཐ་སྙད་རྣམས་དང་བྲལ།། བསོད་ནམས་གཟུགས་མིན་སྡིག་པའི་གཟུགས་མ་ཡིན།། བསོད་ནམས
250a6 སྡིག་གི་བདག་མིན་མཆོག་གྱུར་པ། ། དེ་ནི་ཐམས་ཅད་སྟོང་པའི་སྐད་ཅིག་གཅིག་ཏུ་གསུངས།། སྐད་ཅིག་གཅིག་ལ་མངོན་བྱང་ཆུབ།། མཚན་ཉིད་འདི་ནི་སྐད་ཅིག་མཆོག། རྡོ་རྗེ་རྩེ་མོ་བྱུང་སེམས་ནི།།
250a7 འཛིན་པས་ལུས་ཀྱི་བརྟན་པ་ཉིད།། དེ་ཡིས་དེ་ཉིད་བྱང་སེམས་ནི།། རླུང་གི་དེ་ཉིད་རབ་སྦྱོར་བས།། རིགས་པས་སྟེང་དུ་བྱེད་པ་ནི།། རྒས་པ་མེད་པར་ཐེ་ཙོམ་མེད།། ཧཱུཾ་ཧོ་རིམ་བཞིན་ཤེས་པ་ནི།།
iiif viewer powered by OpenSeadragon
