| e-texts navigator |
| Wylie |
247b1 ནོར་གྱིས་སྙེམས་དང་ངར་འཛིན་དང་།། རྒྱན་ལ་སོགས་པ་བལྟ་བ་དང་།། བག་མེད་པར་ནི་སྨྲ་བ་དང་།། བླ་མའི་གྲིབ་མ་འགོམ་པ་དང་།། དེ་ལ་སོགས་པ་སྐྱོན་གྱི་ཚོགས།། བླ་མའི་མདུན་དུ་རྣམ་པར་སྤངས།།
247b2 འཇིགས་པས་ཐལ་མོ་སྦྱར་ནས་ནི།། སྤྱི་བོར་ཕྱག་རྒྱ་བཀའ་ལུང་ནོད།། རབ་བདོག་ཀུན་གཏོང་དམ་བཅས་པས།། ངོ་མཚར་བཅས་ཤིང་གདོང་སྨད་པས།། སློབ་མས་བླ་མའི་མདུན་གནས་བྱ།། གལ་ཏེ་དངོས་གྲུབ
247b3 མཆོག་འདོད་ན། ། བླ་མའི་མདུན་དུ་སློབ་མ་རྣམས།། དེ་ལྟ་བུ་སོགས་སྤྱོད་ཅེས་བྱ།། དམ་ཚིག་སྡོམ་པ་སྔར་བཤད་པ།། དེ་རྣམས་སློབ་མའི་སྤྱོད་པའོ།། དེ་ཡི་ཞི་སོགས་བྱ་བ་ནི།། བླ་མས་བསྟན་པར་བྱ་བའི
247b4 རིགས། ། དེ་ལ་མདོར་བསྡུས་བཤད་པར་བྱ།། ཐུན་མོང་ཆོ་གའི་མཚན་ཉིད་ནི།། ཞི་བ་དང་ནི་རྒྱས་པ་གཉིས།། ཟླ་བ་ཡར་གྱི་ངོ་ལ་བྱ།། དབང་དང་མངོན་སྤྱོད་ཀྱི་ནི་ལས།། ཟླ་བ་མར་གྱི་ངོ་ལ་བརྩམས།། བྱང་དུ་ཁ་བལྟས
247b5 ཞི་བ་ལ། ། དེ་བཞིན་རྒྱས་པ་ཤར་དུ་བལྟ།། དྲག་པོའི་ལས་ལ་ལྷོ་ཕྱོགས་སུ།། དབང་གི་ལས་ལ་ནུབ་ཏུ་བལྟ།། གསོད་པ་ཉིད་ལ་མེ་ཡི་ཕྱོགས།། སྡང་བར་བྱ་ལ་བདེན་བྲལ་དུ།། གནས་ནས་བསྐྲད་ལ་རླུང་གི་ཕྱོགས།།
247b6 རེངས་པ་ལ་ནི་དབང་ལྡན་ཕྱོགས།། ཞི་བའི་ཁ་དོག་དཀར་པོ་སྟེ།། རྒྱས་པ་ལ་ནི་སེར་པོ་བྱ།། དབང་དང་དགུག་པ་ལ་ནི་དམར།། ཁ་དོག་ནག་པོ་གསོད་པ་ལའོ།། བྱམས་པའི་སེམས་ཀྱིས་ཞི་བ་ལ།། དགའ་བའི་སེམས
247b7 ཀྱིས་རྒྱས་པ་ལ། ། ཆགས་པའི་སེམས་ཀྱིས་དབང་དག་ལ།། ཁྲོ་བའི་སེམས་ཀྱིས་གསོད་པའོ།། ཞི་ལ་ཕལ་ཆེར་ཐོ་རངས་བྱ།། དེ་བཞིན་རྒྱས་པར་སྔ་དྲོ་བྱ།། དབང་དང་མངོན་སྤྱོད་དག་གི་ལས།། ཉི་མ་གུང་དང
iiif viewer powered by OpenSeadragon
