| e-texts navigator |
| Wylie |
246b1 མན་ངག་རིམ་པ་ཡིས། ། སློབ་མ་རྣམས་ལ་རྗེས་སུ་བསླབ།། དེ་ནི་སྟོན་པར་ཡོངས་སུ་གསུངས།། དེ་སྐད་སྨྲས་པ་དེ་བཞིན་བྱེད།། རྟོག་པ་རྣམས་དང་དཀྱིལ་འཁོར་ཚོགས།། དམ་པའི་དོན་གྱིས་བྱ་བ་དང་།།
246b2 སླར་ཡང་སྣང་བ་གསུམ་དང་ནི།། རྣལ་འབྱོར་མཆོག་གི་སྤྱོད་པ་ལ།། སློབ་ཅིང་གཞན་ཡང་སློབ་ཏུ་འཇུག། དེ་ནི་སློབ་དཔོན་ཞེས་བྱའོ།། དེ་ཉིད་བཅུ་ནི་ཡོངས་ཤེས་ནས།། དཀྱིལ་འཁོར་ལ་སོགས་བྱ་བ་ཤེས།།
246b3 སློབ་མ་རྗེས་སྡུད་ནུས་པ་དང་།། གསང་བའི་དབང་ནི་བསྐུར་བ་དང་།། ཤེས་རབ་ཇི་སྙེད་ཡང་དག་ལྡན།། རྒྱུད་ཀྱི་མན་ངག་ལ་མི་འཇིགས།། ཟབ་ཅིང་རྒྱ་ཆེན་ཡང་དག་ལྡན།། རྡོ་རྗེ་སེམས་དཔའ་གཉིས་པ
246b4 མཆོག། ཚར་གཅོད་ཕན་འདོགས་པ་ལ་མཁས།། དེ་ནི་རྡོ་རྗེ་འཆང་དུ་བཤད།། དད་ཅིང་བླ་མ་ལ་ཡང་གུས།། རྟག་ཏུ་དགེ་བའི་ལས་ལ་གནས།། གཉིས་མེད་རྒྱུ་ཡང་མེད་པ་དང་།། རྟོག་པ་ངན་པ་རྣམ་པར
246b5 སྤངས། ། ལུང་ནི་མང་དུ་ཐོས་པ་དང་།། གསོད་པ་དང་ནི་འཚེ་བ་སྤངས།། སེམས་ཅན་རྣམས་ནི་འདོན་པའི་བློས།། ཀུན་ཏུ་བརྩོན་དང་ཡང་དག་ལྡན།། དེ་ལ་སོགས་པའི་ཡང་དག་ལྡན།། དད་པ་ཆེན་པོའི
246b6 སློབ་མ་བཟང་། ། སྟོང་ཉིད་སྙིང་རྗེ་དབྱེར་མེད་པ།། གང་ལ་དེ་ཉིད་ངེས་ཤེས་བྱ།། གོང་ན་མེད་པའི་སྤྱོད་རབ་མཆོག། སྔགས་དང་རྣལ་འབྱོར་རིམ་པ་སོགས།། ཡེ་ཤེས་ལྔ་ནི་རྣམ་དག་དང་།། སངས་རྒྱས་ལྔ་ནི་རང
246b7 བཞིན་ཉིད། ། མངོན་པར་བྱང་ཆུབ་རྣམ་ལྔ་ཡིས།། སྣང་བ་གསུམ་གྱི་མཚན་ཉིད་དང་།། ཆོས་དང་ལོངས་སྤྱོད་སྤྲུལ་པ་དང་།། སྐུ་གསུམ་རྣམ་པར་སྒོམ་པ་དང་།། བདེ་ཆེན་ཡོན་ཏན་མཚན་ཉིད་ནི།། དགའ་བ་ལ་སོགས
iiif viewer powered by OpenSeadragon
