| e-texts navigator |
| Wylie |
246a1 ཀྱི་གནས། ། སངས་རྒྱས་ཡི་གེ་ཧཱུཾ་དུ་བཤད།། གསུང་ནི་ཡི་གེ་ཨཱཿརུ་བརྗོད།། དགེ་འདུན་ཞེས་བྱ་ཡི་གེ་ཨོཾ།། ཀུན་ནས་འཕྲོ་བའི་བདག་ཉིད་དོ།། སངས་རྒྱས་ཨ་བ་དྷཱུ་ཏིར་འགྱུར།། ཆོས་ཀྱང
246a2 ལ་ལ་ནཱ་རུ་བརྗོད། ། དགེ་འདུན་ར་སན་དུ་བརྗོད།། འདི་ནི་གསུམ་པོའི་མཚན་ཉིད་དོ།། གཟུགས་མེད་ཁམས་ནི་སངས་རྒྱས་འགྱུར།། གཟུགས་ཀྱི་ཁམས་ནི་ཆོས་དང་ནི།། འདོད་ཁམས་དེ་བཞིནི་དགེ་འདུན་ཏེ།། དེ་ལྟར
246a3 ཁམས་གསུམ་མཚན་ཉིད་མཆོག། སྙིང་པོར་གྱུར་པ་རང་སྲོག་ལས།། ཁམས་གསུམ་ན་ནི་གཞན་མེད་དོ།། སྒྱུ་མ་རླུང་གི་ཁམས་གསུམ་པ།། རྨི་ལམ་རྨི་ལམ་བཞིན་དུ་མཐོང་།། ཁམས་གསུམ་བདག་ཉིད་དེ་བཞིན་དུ།།
246a4 གཅིག་པུར་མྱུར་བ་མཐོང་བར་འགྱུར།། བྱིན་གྱིས་བརླབས་ནས་དེ་བཞིན་ཉིད།། དངོས་གྲུབ་མྱུར་དུ་ཐོབ་པར་འགྱུར།། སངས་རྒྱས་ལོངས་སྤྱོད་རྫོགས་པའི་སྐུ།། དམ་པའི་ཆོས་དང་ཆོས་ཀྱི་སྐུ།། དགེ་འདུན་སྤྲུབ་པའི
246a5 སྐུར་ནི་འགྱུར། ། དེ་ནི་སྐུ་གསུམ་བདག་ཉིད་ཅན།། སྣང་བ་སངས་རྒྱས་ཀྱི་ནི་གཟུགས།། ཆོས་ནི་སྣང་བ་ཐོབ་པའོ།། དགེ་འདུན་སྣང་བ་མཆོད་པར་འགྱུར།། དེ་ནི་སྣང་བ་གསུམ་མཚན་ཉིད།། ཞི་བ་ལ་སོགས་ལས
246a6 ལ་བྱང་། ། སྔགས་དང་རྣལ་འབྱོར་ཆ་རྣམས་ཤེས།། ཆོ་ག་ཉི་ཤུ་བྱ་བ་བསླབས།། དེ་ནི་བླ་མར་མངོན་པར་བརྗོད།། ཚུལ་ཁྲིམས་དག་ཅིང་སྦྱིན་པ་གཏོང་།། བཟོད་དང་བརྩོན་འགྲུས་མཆོག་ཏུ་ལྡན།། ཉིན་དང་མཚན
246a7 དུ་སྒོམ་ལ་ཞེན། ། ཤེས་རབ་ལྡན་ཞིང་བཟོད་ལ་མཁས།། བླ་མའི་སྤྱིར་ནི་ཡོན་ཏན་ཚོགས།། དཔལ་ལྡན་སློབ་དཔོན་ཞེས་ནི་བརྗོད།། ནང་གི་གསང་འདུས་ལ་རབ་དགའ།། ཕྱི་རོལ་ཉན་ཐོས་ལ་སྤྱོད་པ།། དེ་ལྟའི
iiif viewer powered by OpenSeadragon
