| e-texts navigator |
| Wylie |
245b1 གྱིས། ལུས་ལ་རྒྱལ་བ་ཐམས་ཅད་བཞུགས།། མཐོང་ན་དོན་ནི་ཡོད་པ་ཀྱེ།། ཕྱི་མའི་དུས་ན་སེམས་དཔའ་ཆེ།། དེ་བས་སེམས་ཅན་ཐམས་ཅད་ཀྱིས།། ལྷ་ཡི་མཆོད་པའི་ཡོ་བྱད་ཀྱིས།། རབ་ཏུ་འབད་དེ་བླ་མ་བསྟེན།། དེ་ནས
245b2 མཐོང་བ་དོན་ཡོད་བཅས། ། བྱང་ཆུབ་སེམས་དཔའ་གྲགས་པ་ཆེ།། དགའ་ཞིང་མགུ་བས་ཕྱག་བྱས་ཏེ།། བཅོམ་ལྡན་འདས་ལ་མཆི་མ་བླགས།། གསུང་དང་ཐུགས་ཀྱི་དཀྱིལ་འཁོར་བཞུགས།། ལེགས་སོ་བྱ་བ་བྱིན
245b3 ནས་ནི། ། བཅོམ་ལྡན་འདས་ཀྱིས་འདི་སྐད་གསུངས།། ཨ་ཨཱ་ཨི་ཨཱི་ཨུ་ཨཱུ་དང་།། རྀ་རཱྀ་ལྀ་ལཱྀ་ཨ་ཨཻ།། ཨོ་ཨཽ་ཨཾ་ཨཱཿདབྱངས་ཞེས་བྱ།། ཀ་ཙ་ཊ་ཏ་བ་སྡེ་ཚན།། ཡ་ར་ལ་ཝ་ཤ་ཥ་ས།། ཧ་དང་གསུང་གི་དཀྱིལ
245b4 འཁོར་ཤེས། ། ངག་ཀུན་རབ་ཏུ་སྤྲོ་དང་ལྡན།། འདོད་ཆགས་ལ་སོགས་བག་ཆགས་ཀྱང་།། གྲངས་ནི་ཉི་ཤུ་བརྒྱད་ཀྱིས་སོ།། ཐུགས་ཀྱི་དཀྱིལ་འཁོར་ལེགས་རྒྱས་པ།། དཔལ་མཆོག་ལས་ནི་ཤེས་པར་བྱ།།
245b5 དེ་ལྟར་འདུས་པའི་རྣལ་འབྱོར་རྣམས།། རྡོ་རྗེ་གསུམ་ནི་དམ་ཚིག་མཆོག། མཆོག་ཏུ་རྨད་བྱུང་རྒྱས་པ་ནི།། སྒྲུབ་པའི་དབང་པོས་ཡང་དག་ཤེས།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ
245b6 ལས། སྐུ་གསུང་ཐུགས་ཀྱི་དཀྱིལ་འཁོར་བཤད་པའི་ལེའུ་སྟེ་དྲུག་ཅུ་རྩ་བཞི་པའོ།། ། དེ་ནས་བཅོམ་ལྡན་རྡོ་རྗེས་གསུངས།། སངས་རྒྱས་དམ་ཆོས་དགེ་འདུན་དང་།། བླ་མ་སྟོན་པ་སློབ
245b7 དཔོན་དང་། ། རྡོ་རྗེ་འཆང་དང་སློབ་མ་ཡི།། མཚན་ཉིད་ཐམས་ཅད་བསྡུས་པ་ནི།། དྲི་མེད་སེམས་ནི་སངས་རྒྱས་འགྱུར།། ཆོས་ནི་ངག་ཏུ་ཡང་དག་གསུངས།། སྐུ་ནི་དགེ་འདུན་ཞེས་བྱ་སྟེ།། བྱང་ཆུབ་སེམས་དཔའི་ཚོགས
iiif viewer powered by OpenSeadragon
