| e-texts navigator |
| Wylie |
245a1 འཇིག་རྟེན་དབང་། ། དེ་ཡི་ཡིད་ཀྱི་དབང་པོ་ལ།། དེ་བཞིན་གཤེགས་པ་འཇམ་དབྱངས་བཞུགས།། ཁམས་བཞིའི་རང་བཞིན་གོང་བུ་ནི།། ལུས་ཤེས་བྱ་བར་བརྟགས་པ་ལ།། སྒྲིབ་པ་ཐམས
245a2 ཅད་རྣམ་སེལ་བ། ། དེ་བཞིན་གཤེགས་པ་དེ་བཞུགས་སོ།། ལུས་ཀྱི་ཚིགས་ནི་ཐམས་ཅད་ལ།། དེ་བཞིན་གཤེགས་པ་བྱམས་པའོ།། ལག་པ་གཡས་པའི་རྩ་བར་ནི།། དེ་བཞིན་གཤེགས་པ་གཤིན་རྗེ་གཤེད།།
245a3 ལག་པ་གཡོན་པའི་རྩ་བར་ནི།། དེ་བཞིན་གཤེགས་པ་གཞན་མི་ཐུབ།། ཁ་ཡི་པདྨར་བཞུགས་པ་ནི།། དེ་བཞིན་གཤེགས་པ་རྟ་མགྲིན་ནོ།། གསང་བའི་གནས་སུ་བཞུགས་པ་ནི།། དེ་བཞིན་གཤེགས་པ་བདུད་རྩི
245a4 འཁྱིལ། ། དཔུང་པ་གཡས་པར་བཞུགས་པ་ནི།། དེ་བཞིན་གཤེགས་པ་མི་གཡོ་བ།། དཔུང་པ་གཡོན་པར་བཞུགས་པ་ནི།། དེ་བཞིན་གཤེགས་པ་འདོད་པའི་རྒྱལ།། པུས་མོ་གཡས་པར་བཞུགས་པ་ནི།། དེ་བཞིན
245a5 གཤེགས་པ་དབྱུག་པ་སྔོ། ། པུས་མོ་གཡོན་པར་བཞུགས་པ་ནི།། དེ་བཞིན་གཤེགས་པ་སྟོབས་པོ་ཆེ།། རང་གི་མགོ་སྟངས་བཞུགས་པ་ནི།། དེ་བཞིན་གཤེགས་པ་འཁོར་ལོས་སྒྱུར།། རྐང་པའི་འོག་ཏུ་བཞུགས
245a6 པ་ནི། ། དེ་བཞིན་གཤེགས་པ་གནོད་མཛེས་ཏེ།། ལུས་ནི་འདི་ཉིད་ཀུན་ལ་འདིར།། དེ་བཞིན་གཤེགས་པ་ཐམས་ཅད་བཞུགས།། སྐུ་ཡི་དཀྱིལ་འཁོར་ཞེས་བརྗོད་པ།། རྡོ་རྗེ་སེམས་དཔའ་ཉིད་ཀྱི་སྐུ།། རྡོ་རྗེ་སེམས
245a7 དཔའི་དབྱེ་བ་ཡིས། ། རྫོགས་པའི་སངས་རྒྱས་མ་ལུས་འདི།། ལུས་པ་མེད་པ་སངས་རྒྱས་སྐུ།། སྐྱེ་བ་འདི་ལ་རྣལ་འབྱོར་པ།། མྱ་ངན་འདས་པ་མྱུར་དུ་འཐོབ།། ཁྱོད་ཀྱི་དགེ་བ་ཡོངས་སྦྱིན་པ།། དེ་བས་རྡོ་རྗེ་སློབ་དཔོན
iiif viewer powered by OpenSeadragon
