| e-texts navigator |
| Wylie |
243a1 མ་མོ་ཞེས་ནི་རབ་ཏུ་གྲགས།། དྲིལ་བུའི་ཕྱག་རྒྱ་བསྟན་པར་བྱ།། དེ་ཡི་གཡོན་པས་ཕྱག་རྒྱ་སྟོན།། མི་བསྐྱོད་རིགས་ལས་བྱུང་བར་ཤེས།། མཚན་མོའི་ས་ནས་འགྲོ་བའི་མཆོག། ཐུང་ངུ་ལྷོ་སྦོམ
243a2 དོག་དཀར། ། བྱིན་པ་སྦོམ་ཞིང་ཤིན་ཏུ་མཛེས།། ས་སྤྱོད་མར་ནི་ཤེས་པར་བྱ།། དུང་གི་ཕྱག་རྒྱ་ལན་ཡིན་ནོ།། རྣམ་པར་སྣང་མཛད་རིགས་ལས་བྱུང་།། མིག་ཡངས་རྫི་མ་སྟུག་པ་དང་།། ཡན་ལག་ཀུན་ལ་བ་སྤུས་བརྒྱན།།
243a3 སྔོ་བསངས་མིག་ནི་དམར་བ་དང་།། ཡན་ལག་ཕྲ་ཞིང་དཔུང་པ་རིང་།། དེ་ནི་མཁའ་འགྲོ་མ་རུ་གྲགས།། དོན་ཡོད་གྲུབ་པའི་རིགས་ལས་བྱུང་།། དེ་འདྲ་བ་ཡིས་རབ་མཐོང་ནས།། བ་དན་གྱི་ནི་ཕྱག་རྒྱ་དང་།། གཡོན་པའི་ཕྱག་རྒྱའི་ལན
243a4 ཡིན་ནོ། ། དེ་ལྟར་འབད་པས་ཤེས་ནས་ནི།། མཁས་པས་མཚན་མོ་སོང་ནས་ནི།། དེ་ལ་ཅུང་ཞིག་འཇིགས་མི་བྱ།། གང་ཕྱིར་དེ་ཉིད་གང་མཆོད་བྱ།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། ཚོགས
243a5 ཀྱི་འཁོར་ལོའི་ཆོ་ག་དང་རྣལ་འབྱོར་མ་དང་འདྲེ་བའི་ལེའུ་སྟེ་དྲུག་ཅུ་རྩ་གཉིས་པའོ། ། །། དེ་ནས་གཞན་ཡང་བཤད་ཀྱིས་ཉོན།། གསང་བའི་ཚིག་གི་བཤད་པ་དང་།། རྡོ་རྗེའི་གནས་སོགས་གནས
243a6 རྣམས་སུ། ། རིགས་ཀུན་ལས་བྱུང་རྣལ་འབྱོར་མ།། མཚན་མོ་འདུ་བའི་དམ་ཚིག་ནི།། འདི་འདྲ་བ་ཡི་ཚིགས་རྣམས་དང་།། དེ་ལྟ་བུ་ཡི་གསང་བ་ནི།། བཤད་ཀྱིས་དང་བའི་སེམས་ཀྱིས་ཉོན།། སཾ་བོ་ཏཱ་ཀཾ་ཆང་འཐུང
243a7 བི་རཾ་ཤ་རུ་མངོན་པར་བརྗོད། ། ན་ལི་ནི་པ་ཏཾ་ཐོད་དང་།། ཀུ་ལཾ་ལཾ་མིའི་རུས་པའི་རྒྱན།། ཀུན་ད་རཾ་འདོད་ཡང་དག་སྦྱོར།། ཙ་རོ་རོ་དྲུག་བཟའ་བའོ།། སཾ་པུ་ཏཾ་དབང་པོ་གཉིས་སྦྱོར་བ།། ཨ་ལི་གང་ཡོད་པ་ཡི་མིང་།
iiif viewer powered by OpenSeadragon
