| e-texts navigator |
| Wylie |
241a1 ལ་ནི་བླ་ན་མེད། ། དེ་ལས་ཀྱང་ནི་དངོས་གྲུབ་སྟེ།། བྷག་རྒྱ་ཆེན་པོ་མངོན་རྫོགས་དང་།། དངོས་གྲུབ་རྒྱས་དང་ཞི་བ་སོགས།། དེ་ཡིས་འབད་མི་དགོས་པར་ཐོབ། རླུང་གི་དེ་ཉིད་ཡང་དག་སྲོག།
241a2 མམཁའ་སྤྱོད་ཉིད་ནི་ཐོབ་པར་འགྱུར།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། བདུད་རྩི་ལྔ་བཟའ་བའི་ཆོ་གའི་ལེའུ་སྟེ་དྲུག་ཅུ་རྩ་གཅིག་པའོ།།
241a3 དེ་ནས་གཞན་ཡང་བཤད་ཀྱིས་ཉོན།། ཚོགས་ཀྱི་འཁོར་ལོའི་ཆོ་ག་མཆོག། གང་གིས་མཆོད་པ་ལས་བྱུང་བ།། རྒྱལ་སྲས་རྣམས་ཀྱི་དངོས་གྲུབ་མཆོག། རྣལ་འབྱོར་ཆེ་དང་ལྷན་ཅིག་ཏུ།། སྒྲུབ་པའི་ཕྱིར་ནི་ཡང
241a4 དག་གནས། ། ཕྱག་རྒྱ་བརྡ་ནི་ཡོངས་ཤེས་ཤིང་།། དེ་དང་དམ་ཚིག་ལ་ནི་འཇུག། དེ་རྣམས་ཚོགས་ནི་རབ་མཆོག་དང་།། ཚོགས་ཀྱི་འཁོར་ལོ་ཞེས་ནི་བརྗོད།། ཀུན་ཀྱང་དམ་ཚིག་ལ་གནས་པ།། རྟོག་པ་ཐམས་ཅད
241a5 རྣམ་པར་སྤངས། ། བླ་མ་ལ་དང་དམ་ཚིག་གནས།། གཏོང་སོགས་ཡོན་ཏན་རྣམས་ཀྱིས་བརྒྱན།། ཐབས་ཤེས་བྱ་བ་བགེགས་མེད་ན།། ཚོགས་ཀྱི་འཁོར་ལོ་ལ་ནི་འཇུག། གཞན་དུ་སྐྱོན་ནི་འབྱུང་འགྱུར་ཏེ།།
241a6 འཁོར་ལོ་ལ་ཡང་འགྲུབ་མི་འགྱུར།། ཤེས་རབ་ཀྱང་ནི་ཐབས་དང་མཚུངས།། མཛའ་བོ་བཟང་དང་རབ་ཏུ་མཁས།། ལོ་ནི་ཉི་ཤུ་རྩ་ལྔ་ལོན།། ལྷག་པ་ཡོངས་སུ་སྤངས་ནས་ནི།། ཐབས་དང་སོ་སོར་ཤེས་རབ་དང་།།
241a7 ཀུན་ལ་གཅིག་ནི་ཕན་ཡོན་མེད།། ཐོག་མ་ཡིད་འོང་ཉམས་དགའ་བར།། མེ་ཏོག་གི་ནི་དཀྱིལ་འཁོར་བྱ།། དེ་ཉིད་སྣ་ཚོགས་མཆོད་པ་ནི།། ལེགས་པར་མཉམ་པར་གཞག་ནས་མཆོད།། གཙོ་བོ་དངོས་པོ་ཀུན
iiif viewer powered by OpenSeadragon
