| e-texts navigator |
| Wylie |
9b1 ལུས་ཀྱི་ཆུ།། བདག་ཉིད་ལྔ་ཡིས་བྱིན་གྱིས་བརླབས།། དྲོ་བའི་རང་བཞིན་མེ་རུ་མཐོང་།། ཞི་བ་ཆུ་རུ་རབ་ཏུ་བརྟག། རླུང་དང་རླུང་ནི་དུ་བའོ།། ས་ནི་གཟུགས་སུ་སྣང་བའོ།། གང་ཞིག་དེ་ཉིད་ཀྱིས་མྱངས་ན།
9b2 དྲི་མ་ཅན་ལུས་དྲི་མེད་འགྱུར།། རིན་ཆེན་བཟང་དགའ་རྣལ་འབྱོར་པ།། སྦྱངས་པའི་རྡོ་རྗེ་འཇིགས་བྱེད་ཀྱིས།། གཙང་དང་མི་གཙང་དེ་བཞིན་རྫས།། དང་པོར་རྣལ་འབྱོར་མཚན་ཉིད་དོ།། ཉོན་མོངས་དེ
9b3 བཞིན་མུན་པ་དེ། ། རྣམ་ཤེས་ལྷན་ཅིག་སྣང་བའོ།། ཡེ་ཤེས་རྡོ་རྗེ་བཅོམ་ནས་ནི།། རྣལ་འབྱོར་པ་ནི་དེ་ལ་སྣང་།། བདུད་རྩི་བསྟེན་འདོད་ལུས་ཅན་གྱིས།། གཉིས་མེད་ཁ་སྦྱར་སྦྱར་བར་བྱ།། རྣལ
9b4 འབྱོར་ཆེན་པོའི་སྒྲུབ་པ་པོ། ། སྔོན་དུ་ཨཱ་ལི་ཀཱ་ལི་བསམ།། ཨཱ་ལི་ཞེས་བྱ་བུང་བར་གསུངས།། ཀཱ་ལ་དེ་བཞིན་གཤེགས་མ་ཉིད།། སྦྱོར་བའི་ཡེ་ཤེས་སྒྲ་ཡིས་ནི།། གཉིས་ཀས་འཁྱུད་པར་བསྣམ
9b5 པར་བྱ། ། ཇི་ལྟར་སྡེ་ཚན་གསུམ་པ་ཡི།། ཡི་གེ་གསུམ་པ་བཟུང་བྱས་ཏེ།། རྡོ་རྗེ་ར་བ་ཙམ་ཞིག་གིས།། འོད་དཔག་མེད་ནི་དཀྲི་བར་བྱ།། ལྷ་མོ་གསུམ་པ་ཉིད་ཀྱི་ནི།། དབྱུག་པ་ཙམ་ཞག་རྡོ་རྗེ་འཛིན།།
9b6 དབུས་སུ་དམ་ཚིག་ཞགས་པ་ཡིས།། ཀུན་ད་མགོ་ལ་མཆོག་ཏུ་བརྩོན།། དེ་ལྟར་སྔགས་ཟློས་རྣལ་འབྱོར་པ།། པདྨ་རྡོ་རྗེ་ཅན་གྱིས་བསྐྱོད།། རང་བཞིན་གྱིས་ནི་སི་སྒྲ་དང་།། བདུད་རྩི་ཆུ་དང་འདྲེས་པ་ཡི།།
9b7 དེ་ཉིད་འདི་ཡིས་མྱང་བྱས་པ།། རྣལ་འབྱོར་ཆོས་ལ་རབ་ཏུ་ཤིས།། བདེན་པའི་ཆོས་ནི་མཆོག་ཏུ་བདེན།། རྣལ་འབྱོར་ཆོས་མི་རབ་ཏུ་བསྟོད།། དེ་ཉིད་དམན་པའི་རྣམ་རྟོག་ཡིད།། སྦྱོར་བ་ཇི་ལྟར་འགྲུབ
iiif viewer powered by OpenSeadragon
