| e-texts navigator |
| Wylie |
8b1 པའི་ཚུལ་གྱིས་འཛུམ་པ་དང་། ། ཁྲོ་བོའི་སྟང་སྟབས་ཡན་ལག་བསྐྱོད།། དེ་ལྟར་དེ་ཉིད་རྣལ་འབྱོར་པས།། གླུ་ཡི་མཆོད་པའི་ཁྱད་པར་ཉིད།། རྒྱུ་དྷཱུ་ཧཱུཾ། བདག་མེད་རྣལ་འབྱོར་བསྒོམས་པ་ཡིས།།
8b2 འབྱིན་པའི་ས་བོན་བཟུང་བྱས་པ།། སྤྱི་ཡི་རྣལ་འབྱོར་སྟོན་པའོ།། དབང་པོ་མཆོག་གི་མཆོད་པ་ཆེ།། ཐར་པ་ཆེན་པོ་གནས་ཆེན་པོ།། གསང་ཞིང་དེ་ཉིད་གསང་བ་ཡི།། གསང་བའི་བདག་པོ་དགའ་ཆེན་པོ།།
8b3 རྣམ་སྣང་མཛད་ལ་ཕྱག་འཚལ་འདུད།། ལུས་ཀྱི་རྩ་ནི་ལྔ་ཉིད་ལས།། ལྷ་དང་ལྷ་ནི་མངོན་པར་སྤྲུལ།། བདེ་བ་བསྒྲུབ་པ་ཞེས་བྱ་བ།། སྦྱོར་བའི་སྐུ་ལ་ཕྱག་འཚལ་འདུད།། གླུ་དང་བསྟོད་པས་ཉེར་མཆོད
8b4 ནས། ། ཇི་ལྟར་ལས་ལ་མངོན་བདེ་བར།། རང་གི་སྔགས་ཀྱི་ཡི་གེ་ཡིས།། འཕྲེང་བ་ལ་ནི་བཟླས་པར་བྱ།། ཇི་ལྟར་ནུས་པས་མཆོད་བྱས་ལ།། སླར་ཡང་གཤེགས་སུ་གསོལ་བའོ།། དབུགས
8b5 ཀྱིས་བདག་ཉིད་ལུས་བཀང་སྟེ། ། ལྷན་ཅིག་ཐིམ་པར་བསམ་པར་བྱ།། ཇི་ལྟར་རྣལ་འབྱོར་ནམ་མཁའ་ཉིད།། དེ་ལྟར་རྣམ་པར་སྣང་མཛད་བདག། ཇི་ལྟར་རྣམ་པར་སྣང་མཛད་ལྷ།། དེ་བཞིན་རྒྱབ་ཀྱི
8b6 རྩ་ཉིད་དོ། ། ཇི་ལྟར་སྔོན་གྱི་རྩ་ཉིད་ལས།། དེ་བཞིན་ཡེ་ཤེས་སྐྱེ་བ་འདི།། ཆུ་ནི་སྒྲོལ་མ་ཞེས་སུ་བཤད།། མེ་ལ་གོས་དཀར་ཡང་དག་ལྡན།། རླུང་ལ་ལྷ་མོ་སངས་རྒྱས་འདི།། དེ་བཞིན་རབ་མཛེས
8b7 མཱ་མ་ཀཱི། ། དཀར་པོ་ཆུ་ཡི་རྩ་དང་ནི།། དུད་པ་ཡང་ནི་མེ་ཡི་གནས།། དུང་གི་རྩ་འདི་རླུང་གིའོ།། དེ་བཞིན་དུ་ནི་པདྨ་དང་།། ཡེ་ཤེས་འབྱིན་པ་ཡི་ན་རྩི།། ལྔ་ཡི་བདག་ཉིད་ཁྱད་པར་ནི།། གདན་བཞི་ཉན
iiif viewer powered by OpenSeadragon
