| e-texts navigator |
| Wylie |
52b1 ཐམས་ཅད་བཅས། ། འདི་ནི་ཕོ་ཉའི་ཕྱག་རྒྱའོ།། བརྒྱད་མཐའ་དང་པོའི་ས་བོན་དང་།། དགུ་ཡི་མཐའ་ནི་བྱང་དུ་ཤར།། ཤར་དང་ནུབ་ཀྱི་ས་བོན་དང་།། ལྷོ་ཡི་གསུམ་པར་མངོན་པར་གཟུང་།
52b2 ཕོ་ཉ་བཞི་ཡི་ས་བོན་འདི།། སྒྲ་དང་ཐིག་ལེར་སྦྱར་བར་བྱ།། ཤར་དུ་བདུད་རྩི་དྲག་པོ་ཡིས།། ས་བོན་དབུས་སུ་སྦྱར་བར་བྱ།། ཇི་ལྟར་ལས་ལ་སོགས་སྦྱར་བ།། འབུམ་ཕྲག་གསུམ་གྱིས
52b3 མངོན་པར་འགྲུབ། ། ཚེས་གྲངས་མེད་ཅིང་རྒྱུ་སྐར་མེད།། སྨྱུང་བར་གནས་པའང་མེད་པའོ།། ཡིད་དུ་འོང་བའི་ས་ཕྱོགས་སུ།། རྟག་ཏུ་འབད་པས་མཆོག་ཏུ་བསྒྲུབ།། དམ་ཚིག་ལ་གནས
52b4 དཔའ་བོ་ཆེ། ། འདོད་ཆགས་ལ་སོགས་ཉོན་མོངས་གཅོད།། དག་པའི་ཆོས་ལ་དམིགས་པ་ཡིས།། དག་པའི་དབྱངས་ནི་ལམ་པོ་ཆེ།། ཆོས་ཆེན་པོ་ནི་ལེགས་པར་འོངས།། རོ་ནི་མཆོག་ཏུ
52b5 ཞིམ་པའོ། ། སྲིད་པའི་མགོན་པོ་རྒྱ་ཆེ་བ།། སངས་རྒྱས་གར་ལ་ཕྱག་འཚལ་ལོ།། ཚིགས་བཅད་འདི་ཡིས་དབུལ་བར་བྱ།། སྦྱོར་བའི་གདན་གྱི་བདག་ཉིད་ལཱུ་ལ་ཕྱག་འཚལ་འདུད།། འདི་ཉིད
52b6 ཚེ་ལ་འཁོར་བར་གཅོད་ལ་ཕྱག་འཚལ་ལོ། ། ཚིགས་བཅད་འདི་ཡིས་བླང་བྱ་ཞིང་།། ཚིགས་བཅད་འདི་ཡིས་རབ་ཏུ་ཟད།། པདྨ་པདྨར་བསྒྱུར་བའི་གདན་ལ་ནི།། སྟེང་དུ་རྡོ་རྗེ་བསྟན་པར་བྱ།།
52b7 དབུས་སུ་བདུད་རྩི་རི་རབ་ཀྱིས་བསྲུབས་ནས།། མཐེབ་མཛུབ་གཉིས་ནི་ས་ཡི་སྟེང་དུ་འཐོར་འཐུང་དབུལ།། རྒྱས་པའི་མཆོད་རྟེན་ལྔ་ལ་རོ་ཡི་ལན་ལྔ་རུ། བདུད་རྩི་ཆུ་ཡིས་མཆོད་རྟེན་དབུས་སུ
iiif viewer powered by OpenSeadragon
