| e-texts navigator |
| Wylie |
4b1 བདག་ཉིད་སྟོང་པ་འདི། ། དེ་ཉིད་དེ་ཉིད་སྟོང་པ་ཉིད།། འཇིགས་པ་མེད་ཅིང་འཚེ་མེད་པར།། དངོས་པོ་དངོས་པོ་བསྒོམ་པར་བྱ།། ཇི་ལྟར་སྟོང་ཉིད་དེ་བསྒོམས་ལ།། ལུས་ཀྱི་དྲི་མ་རབ་ཏུ
4b2 བཀྲུ། ། ཕྱིས་ནི་ཆུ་ཡི་གཟུགས་སུ་བསྒོམ།། དམར་པོ་འདབ་མ་བརྒྱད་དང་ནི།། གེ་སར་ལྟེ་བར་བཅས་པ་ཡི།། དབུས་སུ་པདྨས་རྣམ་པར་བརྒྱན།། འདབ་བརྒྱད་ལ་ནི་ལྷ་མོ་ཡི།།
4b3 ས་བོན་བརྒྱད་ཀྱིས་རྣམ་པར་བརྒྱན།། ཤར་དུ་སི་ཀ་ཞེས་བྱ་དང་།། བྱང་དུ་བཟོད་པའི་ས་བོན་བཞིན།། ནུབ་ཏུ་རླུང་གི་ས་བོན་གསུངས།། ལྷོ་རུ་ཧཱུཾ་གི་དབང་ཕྱུག་གོ།། དབང་ལྡན་དུ་ནི་དབང
4b4 པོའི་དབྱངས། ། མེ་ཕྱོགས་སྒྲ་དང་རྣམ་ཤེས་སོ།། བདེན་བྲལ་དབྱངས་ཡིག་བརྒྱད་པ་དང་།། རླུང་དུ་དབྱངས་ཡིག་ལྔ་པའོ།། དབུས་སུ་ཡེ་ཤེས་རྒྱལ་པོ་འདི།། སྒོང་སྐྱེས་ཡེ་ཤེས་དབང་ཕྱུག
4b5 ཉི་མའི་དཀྱིལ་འཁོར་གྱིས་དཀྲིས་པ། ། བདུད་རྩི་ས་བོན་འབར་བའོ།། ཁ་དོག་བདུན་པའི་མེ་འདི་ནི།། གོ་འཕང་མཆོག་གིས་བསྒོམ་པར་བྱ།། དབུགས་མི་གཡོ་བའི་སེམས་དཔའ་ཡིས།
4b6 དངོས་པོ་དངོས་པོ་བསྒོམ་བྱས་ནས།། ཕྱི་ནི་རྩ་ཡི་ལྷ་ཉིད་གདན།། མིག་ལས་ས་ཡི་ས་བོན་དང་།། ནམ་མཁའ་སྣ་དང་རྣ་བ་ལའོ།། ལྕེ་ལ་བདུད་རྩིའི་ས་བོན་འདི།། སྙིང་ཁར་ཧཱུཾ་ཞེས་བྱ་བའི
4b7 མིང་། ། ཡན་ལག་དྲུག་འཛམ་ས་བོན་གྱིས།། རྣལ་འབྱོར་ལུས་ནི་རྣམ་པར་སྲུང་།། ཡེ་ཤེས་ལུས་འདི་ཤེས་བྱས་པས།། ཅི་ཡི་ཕྱིར་ན་སྐྱེ་བོའི་མིང་།། གཟུགས་མེད་ཡེ་ཤེས་གཟུགས་ཅན་དང་།
iiif viewer powered by OpenSeadragon
