| e-texts navigator |
| Wylie |
48b1 པོའོ། ། ། དེ་ནས་གསང་བའི་ཡན་ལག་གི། ཐིག་ལེ་ལ་ནི་བདག་ཕྱག་འཚལ།། ཁམས་གསུམ་སྐྱེས་པ་བཟའ་བྱས་ནས།། ཡེ་ཤེས་དངོས་པོ་གནས་པ་བཞིན།། ལྷ
48b2 ཡི་དངོས་པོ་དབྱེར་མེད་པས། ། སྟེང་དང་འོག་དང་དབུས་སུ་ནི།། ཐམས་ཅད་ཀུན་ནས་སྟོང་པ་ཉིད།། རི་རབ་གླིང་གཞན་ཟད་བྱས་ནས།། མཉམ་ཉིད་སྦྱོར་བ་ཀུན་ཏུ་བསམ།། ཐམས
48b3 ཅད་སྡོམ་པ་དབྱེ་བ་ཡིས། ། དེ་ཡི་མེ་ཏོག་ཐིག་ལེ་ཡི།། ཐིག་ལེའི་དབུས་སུ་གསལ་བའོ།། ཡེ་ཤེས་རྡུལ་ནི་རྣམ་པར་ཐིམ།། ཡེ་ཤེས་བློ་དང་ལྡན་པས་ཤེས།། ཁ་དོག་མེད་ཅིང་མཚོན་ཀུན
48b4 དངོས། ། གཟུགས་མེད་ཡེ་ཤེས་གཟུགས་བཞིན་ནོ།། རིང་བ་མ་ཡིན་ཐུང་བ་མིན།། མི་ལྡན་པ་དང་ལྡན་པ་ཉིད།། གཟུགས་དང་སྟོང་པའི་དེ་བཞིན་དབུས།། ལྷན་ཅིག་ཡེ་ཤེས་གཟུང་བར་བྱ།།
48b5 ཉོན་མོངས་དེ་བཞིན་མུན་པ་ནི།། རྣམ་ཤེས་ལྷན་ཅིག་སྣང་བའོ།། ཡེ་ཤེས་རྡོ་རྗེས་བཅོམ་བྱས་ནས།། སྣང་བའི་དངོས་གྲུབ་ཐོབ་པར་འགྱུར།། རླུང་གི་དཀྱིལ་འཁོར་དབུས་སུ་ནི།། མེ་ཡི
48b6 དཀྱིལ་འཁོར་འདྲ་བའོ། ། མེ་ཡི་དཀྱིལ་འཁོར་དབུས་སུ་ནི།། ཉི་མའི་དཀྱིལ་འཁོར་འདྲ་བའོ།། ཉི་མའི་དཀྱིལ་འཁོར་དབུས་སུ་ནི།། ཟླ་བའི་དཀྱིལ་འཁོར་བསྒོམ་པར་བྱ།། དེ་དབུས་ཇི
48b7 སྐད་གསུངས་པ་ཡི། ། ཡེ་ཤེས་དང་ནི་རྣམ་ཤེས་སེམས།། འཇིགས་པ་མེད་ཅིང་འཚེ་མེད་པར།། དངོས་པོས་དངོས་པོ་བསྒོམ་པར་བྱ།། ཡེ་ཤེས་ཀྱི་ཐིག་ལེའི་སྦྱོར་བའི་ལེའུ་ཞེས་བྱ་བ་སྟེ།
iiif viewer powered by OpenSeadragon
