| e-texts navigator |
| Wylie |
46a1 པ། ། རང་བཞིན་མེད་པ་བྱ་བའི་ཚིག། ལྷག་པའི་གནས་སུ་ལུས་བྲལ་བ།། ཕྲ་བའི་དངོས་པོ་གསངས་པ་མེད།། རྒྱས་པའི་སྒོ་ནི་བསྡམ་པར་བྱ།། དེ་བཞིན་མཆོད
46a2 རྟེན་དབང་ཕྱུག་གོ། ། ཆུ་མིན་ནས་ནི་གྱེན་དུ་དབུག། དེ་བཞིན་ལྟོ་བ་རླུང་གིས་གང་།། ཡེ་ཤེས་ཐིག་ལེ་གནས་ནས་གནས།། རྣམ་པར་ཤེས་པ་ངེས་པས་ཐིམ།། འཇིགས་པ་མེད་ཅིང་འཚེ་མེད
46a3 པར། ། མཉམ་པར་གཞག་པའི་ངོ་བོས་སྒོམ།། རླུང་གི་དཀྱིལ་འཁོར་བརྔུབས་པ་ཡི།། དབུས་སུ་ཡེ་ཤེས་སྐྱོན་མེད་པའོ།། བླ་མའི་བཤད་པའི་ལམ་གྱིས་ནི།། རྟག་ཏུ་ངེས་པར་བལྟ་བའོ།།
46a4 ཇི་ལྟར་བུ་མོ་གཞོན་ནུ་གཏམ་གྱིས་རྨོངས་ནས་སུ།། གཉིས་ཀ་འཐག་པ་ཕྲད་ནས་གཏམ་གྱིས་སྤྲས་པ་དང་།། ལམ་ནི་ཇི་ལྟར་བསྟན་ཀྱང་གཟུང་བར་མི་ནུས་པ།། དེ་ལྟར་རྣལ་འབྱོར་པ་ནི་ལམ
46a5 ངན་བསྟན་པ་བཞིན། ། གསང་བའི་གདན་ཞེས་བྱ་བའི་ལེའུ་སྟེ་བཅུ་གསུམ་པའོ།། །། དེ་ནས་གཞན་ཡང་བཤད་བྱ་བ།། མ་བསྒྲལ་བ་རྣམས་བསྒྲལ་བར་བྱ།། མ
46a6 གྲོལ་བ་རྣམས་བདག་གིས་དགྲོལ། ། དེ་ལྟར་རྗེས་སུ་བརྩེ་བའི་ཕྱིར།། བདག་གི་སྦྱོར་བའི་བསམ་གཏན་བྱ།། ལུས་ཀྱི་རྣམ་པ་གསུམ་ཉིད་དང་།། ངག་གི་ཡང་ནི་རྣམ་པ་བཞི།། ཡིད་ཀྱི
46a7 རྣམ་པ་གསུམ་ཉིད་ནི། ། ལུས་ཀྱིས་སྲུང་ཞིང་རབ་ཏུ་བསྡམ།། གཉིས་ཀྱིས་གནས་ནི་མངོན་པར་སྤྱད།། ཡེ་ཤེས་ཅན་གྱིས་ཐར་པ་བསྟེན།། སྐད་ཅིག་ལོངས་སྤྱོད་དེ་བཞིན་སྡུག། གཉིས་མེད
iiif viewer powered by OpenSeadragon
