| e-texts navigator |
| Wylie |
440b1 ཐབས་གཅིག་ཏུ་མཉམ་པར་གང་གིས་ཤེས་པར་ཚའུ་རྡོ་རྗེ་ལ་དེའི་ལམ་འདུས་པ་ལས་ཁྲག་ཅེས་བརྗོད་དོ། ། རབ་ཏུ་སྦྱོར་བའི་ལུས་ཞེས་བརྗོད་པ་དེ་ནི་རྣམ་པར་སྤྱད་པ་མི་བཟོད་པ་གང་འདོད་པ་དེ་རབ་ཏུ
440b2 སྦྱོར་བའི་ལུས་སོ། ། རབ་ཏུ་སྦྱོར་བས་རྨོངས་པའི་ཕྱིར་རབ་ཏུ་སྦྱོར་བ་བྱས་པ་ཞེས་བརྗོད་དོ།། ལྷ་མོས་གསོལ་པ། ཆོས་གང་ལགས། ཆོས་ཀྱི་ཚོགས་པའི་གཏམ་བརྗོད་པ་གང་ལགས་མི
440b3 རྣམས་ཀྱི་བདེ་བ་ཕུན་སུམ་ཚོགས་པར་བྱ་བའི་ཕྱིར་རམ། དོན་ཐོབ་པར་བྱ་བའི་ཕྱིར་རམ། ནད་མེད་པར་འདོད་པའི་འབྲས་བུ་ཐོབ་པར་བྱ་བའི་ཕྱིར་ཡིན། བཅོམ་ལྡན་འདས་ཀྱིས་བཀའ་སྩལ་པ
440b4 མིར་སྐྱེས་པའི་སེམས་ཅན་ཆོས་ཇི་ལྟར་སྤྱད་ན་ཚེགས་མེད་པར་དེའི་དངོས་གྲུབ་ཇི་ལྟ་བར་བརྗོད་པར་བྱའོ། ། དངོས་གྲུབ་ཆེན་པོ་བརྒྱད་རྣམས་ནི་རལ་གྲི་དང་། མིག་སྨན་དང་། རིལ་བུ་དང་།
440b5 རྐང་མགྱོགས་ཀྱི་དངོས་གྲུབ་དང་། གྲུབ་པའི་སྨན་དང་སྔགས་རྣམས་ལ་ངེས་པར་དངུལ་ཆུ་དང་བཅུད་ལེན་ཏེ། དངོས་གྲུབ་ཆེན་པོ་བརྒྱད་ཐོབ་ནས་དངོས་གྲུབ་གཞན་བརྟགས་ན། ཇི་ལྟ་བར
440b6 སེམས་ཅན་ནག་པོ་ཆེན་པོའི་རྒྱུད་པ་རྣམས་ཀྱིས་འགྲུབ་བོ། ། འདིར་ཚོགས་པ་མེད་པར་ངེས་པའོ།། ལྷ་མོས་གསོལ་པ། མིག་སྨྲ་ན་དངོས་གྲུབ་འདི་ལ་འཇུག་པ་ལ་བཅིང་བྱ་བ་ཅིང་བྱེད་ཇི་ལྟར
440b7 ཕྲ་བར་བརྗོད། བཅོམ་ལྡན་འདས་ཀྱིས་བཀའ་སྩལ་པ། ལེགས་པར་སྲུང་བ་དང་རྨིག་པའི་སྒྲ་ལྟར་བརླག་པ་ཇི་ལྟ་བར་སྦས་པ་དེའི་སྡོམ་པ་རྒྱས་པར་བརྗོད་དོ།། ལྷ་མོས་གསོལ་པ།
iiif viewer powered by OpenSeadragon
