| e-texts navigator |
| Wylie |
440a1 བསྐྱེད་པའི་རིམ་པས་འགོག་པ་ལ་གནས་པ་དང་། དེའི་འབྲས་བུ་སྟེར་བའི་ཇི་ལྟ་བའི་ལམ་ཡང་དག་པར་འབྱུང་བར་བྱེད་པ་ལ་ངེས་པར་ཕྱག་རྒྱ་ལས་དབང་བསྐུར་བའི་བྱ
440a2 བྲག་བྱའོ། ། རྒྱུ་བ་གཅོད་པ་ལ་སྤྱོད་པ་དེ་ལ་ཡོངས་སུ་བརྟག་པ་སྟེ། ན་ར་དང་སྦྱོར་བ་ལས་ཇི་ལྟར་ལམ་དང་ལྡན་པ་བསྐྱེད་པའི་རིམ་པའོ།། ལྷ་མོས་གསོལ་པ། ཀྱེ་བཅོམ་ལྡན་འདས་དགོས
440a3 པ་གང་གིས་རྡོ་རྗེ་སེམས་དཔའ་བསྐྱེད་པ་ཡིན། དེ་ཝཱར་ན་སོ་སོའི་བུམ་པ་ལ་དགོས་པ་ཅི་ཡོད། བཅོམ་ལྡན་འདས་ཀྱིས་བཀའ་སྩལ་པ། སྐྱེས་པ་ལ་ནི་དངོས་མེད་བཀག་པ་སྟེ། རྡོ་རྗེ
440a4 ནམ་མཁའ་ཡིན་པའོ། ། ངེས་པར་བདག་མེད་པ་ཡིན་ཞིང་། བདེ་བ་སྐད་ཅིག་མའོ།། ཇི་ལྟར་ཚོགས་པ་མ་ལུས་པ་དང་། གྲོང་ཁྱེར་བ་དེ་ལྟར་སྐྱེས་པ་ལ་སྟོབས་ཀྱིས་འགོག་པ་ཡིས་བདེ།
440a5 རྒྱས་པ་འཆིང་བ་མེད་ན་ཇི་ལྟར་སྐྱེ། ལྷ་མོས་གསོལ་པ། ཀྱེ་བཅོམ་ལྡན་འདས་ལུས་བསྟན་པའི་དགོས་པ་གང་ལགས། ལམ་ལ་ཁྲག་དང་བྱང་ཆུབ་ཀྱི་སེམས་འདུས་པ་ལས་གཟུགས་བརྙན
440a6 གྱི་གྲོལ་བ་ལས་མེད་དམ། འབྲས་བུ་སྟེར་རམ། ལྟ་བའི་དོན་དུ་འདོད་ཆགས་ཀྱི་ཕྱིར་རབ་ཏུ་སྦྱོར་བར་བརྗོད་དམ། བཅོམ་ལྡན་འདས་ཀྱིས་བཀའ་སྩལ་པ། ལུས་རྡོ་རྗེ་ཞེས་བརྗོད
440a7 པའོ། ། ཇི་ལྟར་སྒྱུ་མར་སེམས་པས་ན་ར་དང་སྦྱོར་བ་བཞིན་ནོ།། ལམ་འདུས་པ་ལས་ཁྲག་གོ་ཞེས་པ་ནི། ལ་ལ་ནཱ་དང་། ར་ས་ནཱ་དང་། ཨ་བ་དྷཱུ་ཏཱི་རྣམས་ཀྱིས་ཕུང་པོ་ལྔ་ལ་རྣམ་པར་སྤྱད་པས
iiif viewer powered by OpenSeadragon
