| e-texts navigator |
| Wylie |
43a1 ནས་གནས་པའི་མཐའ་རུ་ནི། ། རང་བཞིན་གྱིས་ནི་གཡོ་བ་ཉིད།། གཞན་ཡང་དྲག་པོའི་མི་གཉིས་ནི།། དུད་པའི་ས་བོན་གྱིས་ནི་རྩེ།། དེ་ལྟར་རྔུབ་པའི་མཉམ་པ་ཉིད།། ཡི་གེ
43a2 བྱེད་དང་གཉིས་སྦྱང་བྱ། ། ཧཱུཾ་གི་རྣམ་པ་གཡོ་བའི་དབྱིབས།། མཉམ་པར་རྔུབ་པའི་འབར་བ་ཉིད།། འཚེ་མེད་རྣམ་པར་རྩེ་བ་ཡི།། འཁོར་བ་འཇིགས་པ་བསྟན་པར་བྱ།། བཅུ་གཉིས་ས་ཀྱི
43a3 དབང་ཕྱུག་མ། ། དེ་བཞིན་དབུགས་ནི་བརྔུབས་པ་ཡིས།། ཚེ་རབས་སྔོན་གྱི་སྡིག་པ་དང་།། ཡུལ་དང་དབང་པོ་ཉེས་གནས་པ།། བདེ་སྦྱོར་རྔུབ་པའི་རྒྱ་མཚོ་ཡིས།། ཡེ་ཤེས་ཅན་གྱིས
43a4 སྡིག་པ་གཅོད། ། ཇི་བཞིན་སྔོན་དུ་མཉམ་དྲངས་ནས།། མཐའ་ཡི་གཅིག་ནི་བཟུང་བྱས་ལ།། ས་བོན་ཡི་གེ་གཅིག་བཟུངས་པས།། དེ་ཡིས་སྒོ་བརྒྱད་མཉམ་པའོ།། བཅུ་གཉིས་སྤ
43a5 པའི་སྒོམ་པ་ཡིས། ། སྒོ་བརྒྱད་རྣམ་པར་རྩེ་བའོ།། ཇི་ལྟར་རྒྱལ་པོ་སྦྱང་བས་ཀུན་ནས་རབ་བསྒྱུར་བ།། དྲོད་དང་བ་ལང་རང་བཞིན་ལུས་ཀྱི་ལས།། ཕྱིས་ནི་རང་འདོད་རྫ་རླངས་རྒྱ་ཆེན་པོ་།
43a6 དེ་བཞིན་ལུས་ནི་རང་འདོད་ཆེན་གྱིས་བཙོ།། སྦྱང་བའི་ལེའུ་ཞེས་བྱ་བ་སྟེ་བདུན་པའོ།། ། དེ་ནས་གཞན་ཡང་བཤད་བྱ་བ།། འབྱིན་བྱེད་ཚོགས་ནི་དགུ་པ་ཉིད།། སྨྲ་བའི་རྣ
43a7 པར་བཤད་པ་ཉིད། ། རླུང་གི་དཀྱིལ་འཁོར་གྱིས་བསྐོར་བའོ།། བཅུ་གཉིས་དགུ་ཡི་རིམ་པ་ནི།། དགུ་ཡི་སྦྱོར་བ་ལ་རབ་རྟེན།། འདི་ཡི་དགུ་ཡི་རླུང་ཇི་བཞིན།། རྣམ་ཤེས་རླུང་གི་དཀྱིལ་འཁོར
iiif viewer powered by OpenSeadragon
