| e-texts navigator |
| Wylie |
41a1 ཡི་གེ་མཆོག་ཉིད་ནི།། ཡིད་ཀྱི་འཕྲུལ་པས་བསྒྲུབ་པར་བྱ།། ཨེ་མའོ་སེམས་ཅན་ཉོན་རེ་མོངས།། སྔགས་ནི་ཨུ་གུ་ཨུ་གུ་དང་།། ཉམས་པའི་གཟུགས་བརྙན་མཉམ་སྒོམ་པ།
41a2 སྙིང་པོ་ཉིད་ཀྱིས་རྣམ་པར་སྤངས།། སྔགས་ཀྱི་ཡི་གེ་དམ་པ་ནི།། དེ་ཕྱིར་ཡིད་ཀྱི་རྗེས་སུ་འབྲང་།། སེམས་ཅན་ཐམས་ཅད་བསྐྱེད་ཅིང་གཡོ་ཞིང་བསྐྱེད་པ་ཡི།། སྔགས་ནི་བློ་དང་ལྡན་པས་ངེས་པར་ཤེས
41a3 པར་བྱ། ། དེ་ཉིད་མེད་པའི་སྔགས་ཀྱིས་འགྲོ་བ་རྨོངས་པར་མཐོང་།། ལོག་པར་སྨྲ་བའི་གཟུགས་བརྙན་སེམས་དང་ནི།། སྔགས་ཀྱི་བདག་ཉིད་དོན་དམ་མཆོག་གི་ཡི་གེ་ཡིས།། ལས་བཞི་ཆོ་གར་ཡོངས་སུ
41a4 གྲགས་པའོ། ། སྟོང་པ་ཉིད་ཀྱི་ལེའུ་ཞེས་བྱ་བ་སྟེ་བཞི་པའོ།། །། དེ་ནས་གཞན་ཡང་བཤད་བྱ་བ།། སྐྱོན་དང་ཡོན་ཏན་སྤངས་གྱུར་པའོ།། དབུ་མའི་གནས་ནི་སྐྱོན་མེད་པའོ།།
41a5 རང་བཞིན་དག་པའི་ཡིད་ལས་བྱུང་བའི་ལུས།། བདག་མེད་རྣལ་འབྱོར་གཅིག་གི་ཡིད་ཀྱིས་སྦྱོར་བར་བྱ།། ཇི་ལྟར་མ་བསྲེགས་སྣོད་ཀྱི་ཆུ་བཞིན་དུ།། ཁྱོད་ཀྱིས་ནང་གི་རྣལ་འབྱོར་མང་དུ་འཇིག་པའོ།།
41a6 ཇི་ལྟར་རྫ་མཁན་གྱིས་ནི་མེ་ནི་ཀུན་ཏུ་གང་བས་འགེངས།། དུ་མར་དབུས་སུ་ཟད་པར་བྱས་པས་རང་གི་གཟུགས་བཞིན་ནོ།། ནང་གི་ཡེ་ཤེས་དབང་ཕྱུག་མ་ནི་འབར་བ་ཡིས།། དེ་ཡིས་གཞིག་པས་འདི
41a7 ནི་གྲོལ་བ་བཞིན། ། རང་བཞིན་དག་པས་དག་པའི་ཆོས།། དག་པའི་དབྱངས་ཀྱི་ལམ་ཆེན་པོ།། མ་དག་རྨོངས་པའི་རྒྱ་མཚོ་ནི།། རྣམ་རྟོག་བཅོམ་པས་རྣམ་པར་སྤང་།། དག་པའི་ཆོས་ནི་མཆོག་ཏུ་ཞི།།
iiif viewer powered by OpenSeadragon
