| e-texts navigator |
| Wylie |
415b1 གང་ཞིག་ལྷ་ནི་མཁའ་དང་མཚུངས།། ཁ་དོག་དབྱེ་བས་སོ་སོ་སྟེ།། འཇིག་རྟེན་གསུམ་ན་གང་སྤྱོད་པའི།། ལས་རྣམས་ཐམས་ཅད་བྱ་བའོ།། སྐལ་བཟང་བྱེད་པའི་སྔགས་རྣམས་ནི།། སྣང་ཁའི
415b2 ཆུ་སྐྱེས་དབུས་སོང་བ། ། སྙིང་ཁའི་ཆུ་སྐྱེས་སྦྱོར་བ་ཡིས།། དབང་ལ་སོགས་པ་ཡང་དག་སྒྲུབ།། ཡི་གེ་གསུམ་དང་བཅས་པའི་ལྷ།། སྟེང་དུ་འགྲོ་བ་གསུམ་ལྡན་པས།། མི་རྣམས་ལས་ནི་ཆག
415b3 སྒྲུབ་པ། ། རྣལ་འབྱོར་མ་རྣམས་ཞལ་ལ་གནས།། རྣམ་པ་གསུམ་ནི་འགུགས་པར་བྱེད།། པདྨ་གཟུགས་ལྡན་གྱུར་པས་མཛེས།། རྟག་སྦྱོར་རྒྱུན་དུ་རྣལ་འབྱོར་པས།། མར་མེ་གཡོ་མེད་གནས
415b4 པ་བཞིན། ། སྔོན་གསུངས་ལྷ་ཡི་ལྷ་དབང་ཕྱུག། སྐྱ་རེངས་དམར་པོ་དང་མཚུངས་འོད།། མཚན་མོ་ཕྱེད་ཀྱི་དུས་གནས་ལ།། རྣལ་འབྱོར་ཉིད་ནི་ཡང་དག་སྤྱོད།། དེ་ཡི་གཟུགས་འཛིན་ལུས་ལ
415b5 ཡང་དག་སྔོན་དུ་བཀོད་པ་ཡིས། ། ཞགས་པ་ལྕགས་ཀྱུ་འཛིན་པའི་ལྷ།། བསྒྲུབ་བྱའི་ལུས་ལ་ཡང་དག་བླང་།། ཐམས་ཅད་བླ་མའི་ཞལ་ལ་གནས།། རིགས་པ་ལྕགས་ཀྱུའི་འོད་ཟེར་གྱིས
415b6 དེ་ལས་ལྕགས་ཀྱུ་བསྣུན་ནས་ནི། ། ཞགས་པ་ཡིས་ནི་འགུགས་པར་བྱེད།། རྣམ་པར་མྱོས་ཤིང་ལུས་ནི་དམར།། ཡང་དང་ཡང་དུ་བརྒྱལ་གྱུར་ཏེ།། བུ་ག་སྒོ་དགུ་ནས་བསྣུན་ནས།། ཁྲག་ནི་རབ་ཏུ
415b7 འབབ་པར་བྱེད། ། སྒྲིབ་པ་མེད་པ་དང་མཚུངས་པར།། རང་ལུས་རྣམ་པར་བལྟ་བར་བྱ།། དེ་ཡི་དབུས་ལས་བཞེངས་པའི་སྔགས།། ཡི་གེའི་དབང་པོ་དང་པོར་བསམ།། འབར་ཞིང་འབར་བ་ལྟ་བུ་ཡི།།
iiif viewer powered by OpenSeadragon
