| e-texts navigator |
| Wylie |
415a1 ལ་བཞུགས། ། ཁྱབ་བདག་ཞགས་པ་ལྕགས་ཀྱུ་བསྣམས།། མཆོག་སྦྱིན་ཕྱག་གིས་ཡང་དག་རོལ།། མུ་ཏི་ག་ནོར་བུས་རྣམ་པར་བརྒྱན།། པདྨའི་ཕྱག་དང་སྤྱན་གསུམ་པོ།
415a2 གཟི་བརྗིད་ཆེན་པོ་སྣ་ཚོགས་སྐུ།། དཔའ་བོ་དབང་ཕྱུག་འགྲོ་བའི་མགོན།། རྣལ་འབྱོར་མ་ཡི་ཐུགས་དགྱེས་པ།། དངོས་གྲུབ་ཐམས་ཅད་རབ་སྟེར་བའི།། སྔགས་རྣམས་ཀུན་ལ་བསམ་གཏན་བྱ།། གང
415a3 དང་གང་གིས་བསྒོམས་པ་ཡིས། ། རྣལ་འབྱོར་གོམས་པར་གྱུར་པའི་ཕྱིར།། དེ་ཡིས་དེ་ཡི་རང་བཞིན་འགྱུར།། ཡིད་བཞིན་ནོར་མཆོག་ཇི་བཞིན་ནོ།། ལྷ་ནི་དཀར་པོས་ཞི་རབ་སྟེར།། དེ་བཞིན་ངག་ནི་རབ
415a4 སད་བྱེད། ། དབང་དང་དགུག་པའི་དེ་ཉིད་ལ།། སྐུ་མདོག་དམར་པོ་རྣམ་པར་བསམ།། དུ་བ་དམར་པོའི་འོད་མདོག་ཅན།། རླུང་གི་དཀྱིལ་འཁོར་གྱིས་དཀྲིས་པས།། དགྲ་བོ་རྣམས་ནི་ཉེར་སྐྲོད་པ།། །
415a5 འདིར་ནི་ཐེ་ཙོམ་མེད་པར་བྱེད།། དུ་བ་སྐྱ་བོ་དམར་བ་ཡིས།། རྣམ་པར་ཞེ་སྡང་ངེས་སྦྱོར་བས།། གསད་པ་ལ་ནི་ཁ་དོག་གནག། རེངས་པ་ལ་ནི་སེར་པོར་ཤེས།། ལུག་གི་སྟེང་དུ་གནས་པ་ལ།། རྐན་གྱི
415a6 བར་དུ་རྣམ་ཕུག་ན། ། སྲིད་པ་གསུམ་དུ་གང་གང་གནས།། ཐམས་ཅད་རབ་ཏུ་རྨོངས་པར་བྱེད།། གཞན་དག་རྨོངས་པས་ཅི་ཞིག་བྱ།། དོན་མང་ཚིག་ནི་རབ་འདུས་པ།། འཇིག་རྟེན་གསུམ་གྱི
415a7 ལས་རྣམས་ནི། ། ཡོན་ཏན་བརྒྱད་དང་ལྡན་པ་ཡི།། རྒྱུད་གཞན་རྣམས་ལ་ཉེར་སྤྱོད་པ།། གསུངས་དང་མ་གསུང་གྱུར་པ་ནི།། རང་བཞིན་བསམ་གཏན་སྦྱོར་བ་ཡིས།། བྱ་བ་འདི་ལ་ཐེ་ཙོམ་མེད།།
iiif viewer powered by OpenSeadragon
