| e-texts navigator |
| Wylie |
414b1 ཡུལ་རིག་པ། ། སེམས་ཀྱིས་རྗེས་སུ་རྟོག་པ་ཅན།། བྱ་བ་དེ་ཡི་བདེ་འདོད་ཕྱིར།། རྟོག་པ་ཀུན་ནས་འཇུག་པར་འགྱུར།། དེ་ཡི་ངོ་བོ་རྟགས་ཉིད་འཇུག། དེ་སེམས་དགའ་བའི་སྤྱོད་ཡུལ་ལ།།
414b2 བྱ་བ་དང་ནི་ལས་རྣམས་ཀུན།། ཚིག་དང་བཅས་པས་ཐེ་ཙོམ་མེད།། བསམ་གཏན་རྣལ་འབྱོར་ཡང་དག་ལྡན།། བརྟན་པར་དགོད་བྱ་བློ་ལྡན་གྱིས།། འགྲོ་ཀུན་དགྲ་ཡི་རང་བཞིན་གྱི།། ས་སྟེང
414b3 ས་འོག་མཐོ་རིས་སྒྲུབ། ། ལྟེ་བའི་པདྨར་པདྨ་ཆེ།། རྣམ་གསུམ་ནམ་མཁའི་ནང་སོང་བ།། པདྨའི་ཕྱག་རྒྱ་ཡང་དག་ལྡན།། ནམ་མཁའ་ཕྱག་རྒྱའི་བདག་ཉིད་བཞིན།། སྲོག་འབབ་པ་ཡི་ཚད་ཀྱིས
414b4 ནི། གནས་གཉིས་པོ་ཡིས་གོམས་པར་བྱ།། དེ་བཞིན་རབ་ཏུ་དགོད་བྱས་ནས།། འཇིག་རྟེནི་མགོན་པོའི་སྐུ་རུ་འགྱུར།། གང་གིས་གཞན་དུ་བཟླས་བྱས་དང་།། ལས་རྣམས་ཀྱང་ནི་བསྒྲུབ
414b5 བྱས་ན། ། དེ་ནི་མཁའ་ལ་ཁུ་ཚུར་བསྡུན།། རྨོངས་པས་སྤུན་སྟོང་འཇོམས་པར་བྱེད།། བསམ་གཏན་སྦྱོར་བས་ཆོ་ག་བཞིན།། ལས་གང་རྟག་ཏུ་བྱ་བ་སྟེ།། དེ་ལས་མྱུར་དུ་སྒྲུབ་བྱེད་དོ།། དེ་ཡི་ལས་ནི་ཡིད
414b6 ཀྱི་འདོད། ། རིགས་ཀྱི་འཇིག་རྟེན་དབང་ཕྱུག་གི་རྟོག་པ་ལྔ་བཅུ་པ་ལས། བདག་གི་དེ་ཁོ་ན་ཉིད་ཀྱི་ལེའུ་སྟེ་གཉིས་པའོ།། །། རང་བཞིན་བསམ་གཏན་དང་བཅས་ཤིང་།།
414b7 ཛཱ་ཏི་མཚལ་གྱི་འོད་ཟེར་བཞིན།། སེ་འཛུལ་བརྒན་མེ་ཏོག་བཞིན།། ལི་ཁྲི་དམར་པོ་དང་མཚུངས་གཙོ།། སྔགས་ཀྱི་སྐུ་ཡི་ལྷ་ཡི་ལྷ།། ཞལ་གཅིག་ཕྱག་ནི་བཞི་པ་སྟེ།། མཁའ་པད་ཟླ་བའི་གདན
iiif viewer powered by OpenSeadragon
