| e-texts navigator |
| Wylie |
36b1 ཤིན་ཏུ་འབྲེལ་བར་མཚུངས་པའོ། ། སྙིང་ཁར་གནས་པའི་སྙིང་པོ་མཆོག་གི་མིང་དུ་བརྗོད།། སེམས་ཀྱིས་རྩ་ནས་དེ་བཞིན་ཧི་ཀ། སྟེང་དང་འོག་དང་དེ་བཞིན་ཏེ།། དེ་ཡི་ཡི་གེ་ཕྱེད་དང་གཉིས་ཀྱིས
36b2 སྦྱང་། ། བཟློག་པར་བྱ་བའི་ས་བོན་གྱིས།། ལྷན་ཅིག་བློ་དང་ལྡན་པར་བྱ།། ལེའུ་གསུམ་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ།། ཐམས་ཅད་ལུས་ལ་གནས
36b3 པོ་ཡི། ། ཡེ་ཤེས་ཀྱི་ནི་ཡེ་ཤེས་མཆོག། ས་དང་རི་རང་དེ་བཞིན་ཤིང་།། བོང་བ་ཆུ་དང་དེ་བཞིན་སྲིན།། འབུ་སྲིན་རྣམ་པར་སྤངས་ནས་ནི།། ཡེ་ཤེས་ལུས་ལ་སེམས་མེད་པའོ།། འབུ་དང་སྲིན
36b4 པུ་ཡེ་ཤེས་ཐུན། ། ཁྱད་པར་ཉིད་དུ་ཡང་བྱའོ།། རྣམ་གསུམ་ལྷ་དང་གནོད་སྦྱིན་དང་།། ལྷ་མིན་ཡི་དགས་མཁའ་འགྲོ་མ།། གཟུགས་དང་ཡེ་ཤེས་དེ་བཞིན་ཁྲོ།། ཞི་ཞིང་ཞི་བའི་ཡེ་ཤེས
36b5 བཞིན། ། ལུས་ལ་ཐམས་ཅད་གནས་པ་ནི།། བློ་དང་ལྡན་པས་ཁྱད་པར་ཤེས།། ལེའུ་བཞི་པ་ཞེས་བྱ་བའོ།། །། དེ་ནས་གཞན་ཡང་བཤད་པར་བྱ།། དྲང་སྲོང་ངོ་མཚར
36b6 སྐྱེ་བ་ནི། ། ཀ་བ་གཅིག་དང་སྒོ་དགུ་དང་།། བུ་ག་གསུམ་དང་ཡེ་ཤེས་ལྔ།། རྣམ་ཤེས་ཡེ་ཤེས་ལུས་ལ་ནི།། ཆོས་ཀྱི་དབྱིངས་ནི་ཇི་ལྟར་གྲགས།། ཐར་པ་ཐོབ་པའི་དུས་སུ་ནི།། མི་ཤེས
36b7 ཡེ་ཤེས་ལུས་ཅན་ནི། ། ཇི་ལྟར་ཆོས་ཀྱི་དབྱིངས་ཉིད་དང་།། ཡེ་ཤེས་དང་རི་གཟུགས་ཀྱི་ཆ།། ཡེ་ཤེས་ཇི་ལྟར་མཐོང་བ་དང་།། ཇི་ལྟར་ན་ནི་ཡེ་ཤེས་གཟུགས།། དེ་ཉིད་གཟུགས་ལ་སེམས་མེད།
iiif viewer powered by OpenSeadragon
