| e-texts navigator |
| Wylie |
30b1 གཞན་ཡང་རབ་འཆང་བྱེད། ། དེ་ལ་ལྕི་བའི་སྐྱེ་བ་ཐོབ།། འཁོར་བ་དེ་ལ་འཁོར་ལོ་ཆེ།། འཁོར་ལོའི་འཁོར་ལོ་ལྡན་གྱུར་པ།། དམངས་རིགས་ཕྱུགས་བཞིན་འགྲོ་བ་ཡི།། སྟོང་ཕྲག་བདུན་ཅུ་རྩ་གཉིས
30b2 ནི། ལུས་པོ་ཡི་ནི་རྩ་ཉིད་དོ།། བཞི་བརྒྱ་དང་ནི་ལྔ་བཅུ་ཡང་།། ཁྲག་དང་རུས་པ་མ་ལུས་པའོ།། ཆུ་ནི་བྲེ་ཕྱེད་དང་བཅས་པ།། དེ་བཞིན་སྲིན་བུ་ཁྲི་ཉིད་དང་།། ཁྲི་ཕྲག་གསུམ་དང་སྟོང་ཕྲག་གཅིག།
30b3 སྐྱེས་པ་ཡིནི་བ་སྤུ་ཉིད།། ཤ་ཁྲག་དྲུག་ཅུ་ཐམ་པ་ནི།། སྐྱེས་བུ་བར་མར་འགྱུར་བའོ།། སུམ་བརྒྱ་དེ་བཞིན་དྲུག་ཅུ་ཡི།། ཆུ་ཚོད་དབུགས་དང་རྩ་གཞན་ནོ།། མཉམ་པོ་ཆ་རུ་འཕེལ་བ་ཡི།།
30b4 མཉམ་པའི་གཟུགས་དང་མཉམ་པའི་འོད།། རྩ་ནི་འཁོར་ལོ་བཞིན་དུ་བསྒྱུར།། འཁོར་ལོ་བརྒྱད་པ་བརྒྱད་པ་བཞིན།། སྲོག་དང་རྩོལ་བ་ལྔ་ཟད་དང་།། བདག་ཉིད་ཡང་དག་གཉེན་པར་མཛད།།
30b5 དབུས་སུ་མེ་ཡི་ཕུང་པོ་ཉིད།། འབྱིན་པའི་ས་བོན་དེ་དབུས་སུ།། དྲི་མེད་རྟག་ཏུ་མཉམ་ཞིང་དམའ།། ཕྱི་རོལ་ཏུ་ནི་བཅུ་གཉིས་འགྱུར།། འཁོར་ཞིང་ས་བོན་མཉམ་པ་དང་།། དབུགས་ནི་མཉམ་པར
30b6 འཁོར་བའོ། ། མེ་དང་རླུང་གི་བདུན་དོན་ལ།། དུ་བའི་ས་བོན་བསྒོམ་པར་བྱའོ།། སྒྲ་དང་ཐིག་ལེ་ཡང་དག་ལྡན།། ཆར་གྱི་རྒྱུན་ཞེས་བཤད་པ་ཡིན།། འཁོར་ལོའི་ལེའུ་ཞེས་བྱ་བ་སྟེ་དྲུག་པའོ།།
30b7 དེ་ནས་གཞན་ཡང་བཤད་བྱ་བ།། ཨོཾ་ནི་རེ་བའི་ཐིག་ལེ་རྫོགས།། བླ་མའི་ཐིག་ལེ་ཀུན་ཏུ་བརྟག། ཉིན་མོ་དབུགས་ནི་མཉམ་པར་ཆད།། དེ་བཞིན་ལྷོ་ཡི་ཡི་གེའོ།། མཚན
iiif viewer powered by OpenSeadragon
