| e-texts navigator |
| Wylie |
29a1 @འབྱོར་གྲུབ་ཕྱིར་ཧཱུཾ་འབྱིན་ས་བོན་འཇིག་པར་མཛད། ། བདག་མེད་པར་སྦྱོར་རྣམ་པར་སྣང་མཛད་དངོས་ལ་ཕྱག་འཚལ་འདུད།། ཁྱད་པར་གླུ་དང་མཆོད་པས་མེ་ལ་མཆོད་པར་བྱསྟེ།
29a2 སྒྲས་འཇུག་པར་བྱའོ།། དེ་བཞིན་དུ་ཕྱིས་སྲེག་བླུགས་ཕྱེད་དང་བཞིས་མེ་ལྷ་མཆོད་པར་བྱའོ།། ལེའུ་དང་པོ་ཞེས་བྱའོ།། །། དེ་ནས་གཞན་ཡང་བཤད་བྱ་བ།། སླར་ཡང
29a3 མེ་ཡི་བརྟག་པ་ནི། ། མཐོ་བར་འབར་བས་ཞི་བའོ།། དམའ་བར་འབར་བས་རྒྱས་པ་ཉིད།། འཁོར་བར་འབར་བས་དབང་དང་ལྡན།། ངུ་བར་འབར་བས་བདག་ཉིད་འཇོམས།། དེ་བཞིན་མེ་ཡི་དེ
29a4 ཉིད་ནི། ། བློ་ལྡན་རྣལ་འབྱོར་པས་ཤེས་བྱ།། དབང་ལྡན་དུ་ནི་ཞི་བ་ཉིད།། ཤར་དུ་དཔལ་དང་མངོན་པར་འགྲོགས།། མེ་ཡི་ཕྱོགས་སུ་རྒྱས་པ་ཉིད།། ལྷོ་ཕྱོགས་སུ་ནི་ནོར་རླག་གོ།། བདེན
29a5 བྲལ་འཆི་བའི་ཕོ་ཉ་ཉིད། ། ནུབ་ཏུ་དབང་ནི་བརྩམ་པར་བྱ།། རླུང་དུ་ནོར་ནི་ཉམས་པ་དང་།། བྱང་དུ་རིགས་ནི་རྣམ་པར་འཕེལ།། ལེའུ་གཉིས་པ་ཞེས་བྱ་བའོ།། །། དེ་ནས
29a6 གཞན་ཡང་བཤད་བྱ་བ། ། ཡམ་ཤིང་མཚན་ཉིད་བརྟག་པ་ནི།། ཡམ་ཤིང་གི་ནི་བྱེ་བྲག་ཉིད།། ཞི་བ་ལ་ནི་སོར་མོ་བཅུ།། རྒྱས་པ་ལ་ནི་སྐྱེས་བུ་ཉིད།། དབང་ལ་བཅུ་གཉིས་པ་ཉིད་དང་།།
29a7 མངོན་སྤྱོད་ལ་ནི་བརྒྱད་པའོ།། དབྱེ་བ་དེ་བཞིན་འོ་མའི་ཤིང་།། དེ་བཞིན་པདྨ་པྲི་ཡང་ཀུ།། ཁྱད་པར་དུ་ནི་ཞི་བ་ལ།། ཡམ་ཤིང་འདི་ནི་ཆོ་གའི་མཆོག། ཐང་ཤིང་དེ་བཞིན་ཤིང་དང་ནི།
iiif viewer powered by OpenSeadragon
