| e-texts navigator |
| Wylie |
99b1 དུར་ཁྲོད་དེ། ། གནས་འདི་དག་ཏུ་བསམ་གཏན་བསྒོམ།། ལས་ཀྱི་མགོན་པོ་འཇིགས་པའི་གཟུགས།། གྲུ་གསུམ་ཕོ་བྲང་ལ་གནས་པ།། དུར་ཁྲོད་གཞལ་ཡས་འབར་བ་ནི།། མེ་དཔུང་འབར་བ་འཕྲོ
99b2 བའི་དབུས། ། ཞལ་གཅིག་པ་ལ་ཕྱག་གཉིས་པ།། སྐུ་མདོག་ནག་ཅིང་མཆེ་བ་རྣོ།། ཡན་ལག་ཟུང་ཞིང་གསུས་པ་འཕྱང་།། ཐོད་པ་སྐམ་པོའི་དབུ་བརྒྱན་བྱས།། སྤྱན་གསུམ་ལྡང་མིག་ཁྲོ་ཚུལ་སྟོན།།
99b3 བཞིན་སྒྱུར་མི་སྡུག་ལུས་ཅན་ནི།། ཕྱག་གཡས་རྡོ་རྗེ་གྲི་གུག་འཕྱར།། གཡོན་པ་དམ་ཉམས་སྙིང་ཁྲག་གིས།། ཐོད་པ་བཀང་ནས་གསོལ་བར་མཛད།། དུག་སྦྲུལ་གདུག་པས་ལཱུ་ཚོགས་བརྒྱ་ན།
99b4 དབུ་སྐྲ་དམར་སེར་གྱེན་དུ་བརྫེས།། མི་ཐོང་རློན་པའི་ངོ་ཤལ་བྱས།། རོ་ཡི་ག་དན་ལ་བརྫིས་ནས་ཀྱང་།། དྲག་པོའི་ང་རོ་སྒྲོགས་པའི་གནས།། སྐུ་གསུང་ཐུགས་ཀྱི་མགོན་པོ་ནི། གསོད་བྱེད་རྔམ
99b5 བྱེད་སྒྲོལ་བྱེད་ཆེ། ། བསྒྲུབ་བྱ་ངེས་པར་སྒྲོལ་བའི་ཚེ། སྐུ་ཡི་མགོན་པོས་ངམ་ཉམས་ཀྱི།། ལྟེ་བའི་སྲོག་རྩ་གཅོད་པར་བྱེད།། གསུང་གི་མགོན་པོས་ངམ་ཉམས་ཀྱི།། མགྲིན་པ་ནས་ནི་ཁྲག་རྣམས
99b6 འདྲེན། ། རྡོ་རྗེ་ཐུགས་ཀྱི་མགོན་པོ་ཡིས།། སྙིང་གི་དཀར་ནག་མཚམས་སུ་ཡང་།། བྱ་རོག་མ་ཆུ་ནི་བཙུགས་ནས་ཀྱང་།། སྲོག་རྩ་མྱུར་དུ་གཅོད་པར་བྱེད།། ཕོ་ཉ་ཤ་ཟའི་གདོང་ཅན་གྱིས།། སྤྱི་གཙུག
99b7 ནས་ནི་རྩེ་ལ་འཇིག། ། ལས་བྱེད་མ་མོ་ཙཎྜི་ཀས།། གསང་བའི་མདོམས་སོར་དངས་མ་ཇུག། རྩ་འཇིབ་མ་དང་ཁྲག་འཐུང་མ།། སྲོག་འཕྲོག་མས་ནི་ལས་ལ་སྦྱོར།། ཉིན་མཚན་དུས་ལས་འདའ་མ
iiif viewer powered by OpenSeadragon
