| e-texts navigator |
| Wylie |
99a1 གང་སྒྲུབ་ལས་ལ་བསྐུལ་བར་བྱ།། འདི་ཡིས་རྣལ་འབྱོར་དགོས་པ་སྒྲུབ།། ཞི་བས་ནད་གདོན་མ་ལུས་པ།། དབང་གིས་ཁམས་གསུམ་མ་ལུས་བསྒྱུར།། རྒྱས་པས་ནོར་དང
99a2 འབྲུ་སོགས་འཕེལ། ། མངོན་སྤྱོད་ཀྱིས་ནི་གདུག་པ་འདུལ།། ནོར་བུ་བཟང་པོས་གཏེར་ལ་སྤྱོད།། ཡང་དག་ཤེས་ཀྱིས་དུས་གསུམ་མཐོང་།། གང་བ་བཟང་པོས་ལོངས་སྤྱོད་འཕེལ།། གཙུག་ན
99a3 འཁྱིལ་བས་ཚེ་དཔལ་སྟེར། ། འབྲོག་གནས་རྒྱལ་བས་དུད་འགྲོ་སྤེལ།། གནོད་སྦྱིན་ལྔ་པོ་འདི་དག་གིས།། ས་གསུམ་གཡོ་བར་བྱེད་པ་སྟེ།། འདི་དག་སྒྲུབ་པོས་མཆོད་གྱུར་ན།། ཕུན་སུམ་ཚོགས་པའི
99a4 དཔལ་རྣམས་སྟེར། ། རང་ཉིད་ལྷག་པའི་ལྷ་ཡི་ནི།། ས་བོན་ལས་འཕྲོས་ལྕགས་ཀྱུས་ནི།། འདི་དག་སྲོག་གི་དབང་པོ་ལ།། དབང་བྱེད་ལས་བྱེད་མི་ཟློག་འགྱུར།། གནོད་སྦྱིན་རྣམས་ལ་ཤིང་ཐོག
99a5 དང་། ། ཀླུ་རྣམས་གཏོར་མས་ཀུན་ཏུ་མཆོད།། ལྷ་མོ་ཨ་རུ་ར་ཡི་འབྲུ།། མ་ལུས་མྱུར་དུ་མཆོད་པའོ།། གང་པོ་དང་ནི་མཛེས་མ་དག། ཁྱད་པར་མངག་གཞུག་གྱུར་པའོ།། དཔལ་མགོན་པོ་ཆེན་པོ་དངོས
99a6 གྲུབ་འབྱུང་བའི་རྒྱུད་ལས། རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་སྒྲུབ་པའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་གཞན་ཡང་བཤད་བྱ་བ།། སེམས་ཅན
99a7 རྣམས་ཀྱི་དོན་གྱི་ཕྱིར། ། འཁོར་བའི་སྲིད་པ་ཇི་སྲིད་པར།། བྱང་ཆུབ་སེམས་ཀྱི་ཆོས་རྣམས་སྟོན།། རི་བོའི་རྩེ་དང་ནགས་ཚལ་བྲག། རྒྱ་མཚོའི་འགྲམ་དང་ཤིང་གཅིགས།། གདོད་ནས་གྲུབ་པའི
iiif viewer powered by OpenSeadragon
