| e-texts navigator |
| Wylie |
95b1 ཤིས་ཉམས་དགའི་ས་ཕྱོགས་སུ། ། རྣམ་ཐོས་སྲས་ནི་བསྒྲུབ་པར་བྱ།། ས་གཞི་པ་ཡི་ལྕི་བས་བྱུག། དྲི་བཟང་ཙན་དན་དཀར་དམར་དང་།། ཨ་ཀ་རུ་དང་དུ་རུ་ཀ། ཁ་ཆེ་གི་ཝང་སྣ་ཚོགས་སྨན།
95b2 སྲེག་ཅིང་ཚོགས་པའི་སྨན་དུ་བྱ།། མཎྜལ་གྲུ་བཞི་མདའ་གང་བ།། དཀྱིལ་འཁོར་སྒོ་བཞི་རྟ་བབས་དང་།། རིན་ཆེན་ཁང་པ་ཡིད་འོང་བ།། ཕོ་བྲང་རིན་ཆེན་ལས་གྲུབ་པ།། སྣ་ཚོགས་པདྨ་རིན་ཆེན
95b3 གླིང་། ། གཏེར་དང་དཔག་བསམ་ལྗོན་ཤིང་བཅས།། ཀ་བ་སྟོང་ཕྲག་དུ་མ་ཡིས།། རབ་ཏུ་རྒྱས་ཤིང་ཡོངས་སུ་བསྐོར།། ལྟེ་བ་རིན་ཆེན་མུ་ཁྱུད་ལ།། ལྷ་མོ་བརྒྱད་ཀྱིས་ཡོངས་སུ་བསྐོར།། བར་མ
95b4 ལྷ་ཁྱམས་མཛེས་པ་ལ། ། གནོད་སྦྱིན་ཆེན་པོ་བརྒྱད་ཀྱིས་བསྐོར།། ཕྱི་མ་ར་བས་བསྐོར་བ་ལ།། ཀླུ་ཆེན་བརྒྱད་ཀྱིས་ཡོངས་སུ་བསྐོར།། སྒོ་བཞིར་གནོད་སྦྱིན་བཞི་བཀོད་པ།། དབུས་སུ་རིན་ཆེན་སེང་གེའི
95b5 ཁྲི་སྣ་ཚོགས་པདྨ་གེ་སར་བཅས། ། དེ་དབུས་ཟླ་བ་དར་གྱི་གདན།། དེ་ལ་སྐུ་གསུང་ཐུགས་ཀྱི་གནས།། ས་བོན་ཕྱག་མཚན་སྐུ་དགོད་བྱ།། སྣ་ཚོགས་མཆོད་པས་ཡོངས་བསྐོར་ཏེ།། འབྲས་དང
95b6 གྲོ་དང་འབྲུ་སྣ་ལ། ། གཏོར་མ་ཤིན་ཏུ་བཟང་བར་བཤམ།། ཁྱད་པར་མེ་ཏོག་སྣ་ཚོགས་ནི།། ནཱ་ག་གེ་སར་ཀུ་མུ་ད།། པུན་ཏ་ཀེ་བ་བ་ཀུ་ལི།། པ་ར་ཤི་ཀ་དང་ཙམ་པ་ཀ། དྷ་ནུ་སྐ་རི་མ་ལི་ཀ། སུ་ཏི་ཀ།
95b7 དང་ཨུཏྤ་ལ།། པདྨ་མན་དཱ་ར་བ་དང་།། ངཎྜོང་པ་ལ་སོགས་པའོ།། སྣ་ཚོགས་ཆུ་དང་སྲེག་སྤོས་ཚོགས།། གུ་གུལ་ཁྱད་པར་བསྲེག་པར་བྱ།། ཀ་ར་བུ་རམ་སྦྲང་རྩི་དང་།། འཁུར་བ་འབྲས་ཆེན
iiif viewer powered by OpenSeadragon
