| e-texts navigator |
| Wylie |
94a1 པར་བྱ། ། དེ་ནས་སེམས་བསྐྱེད་སྡོམ་གནས་པས།། དམ་ཚིག་གསང་བ་སྦྱིན་པར་བྱ།། ཁྱད་པར་ལྷ་ལ་གསོལ་བཏབ་ནས།། རྡུལ་ཚོན་དཀྱིལ་འཁོར་ཐིག་གདབ་བྱ།།
94a2 དང་པོར་ཡེ་ཤེས་ཐིག་གདབ་ཅིང་།། ཕྱི་ནས་དམ་ཚིག་ངེས་པར་གདབ།། གོ་རིམས་མ་ནོར་ངེས་པའི་ཚུལ།། སྲད་བུ་ཤེས་རབ་ཅན་ཐིག་གདབ།། ཚོན་ནི་བྱིན་གྱིས་བརླབས་ནས་ཀྱང་། པྲ་བརྟག
94a3 རྡུལ་ཚོན་རིམ་པར་དགྱེ། ། གྲུ་བཞི་པ་ལ་སྒོ་བཞི་པ།། རྟ་བབས་བཞིས་ནི་མཛེས་པ་ཡི།། ཟླུམ་བསྐོར་ཕོ་བྲང་ལིང་ཚེ་དགུ།། དབུས་མ་ཨེ་དབྱིབས་དྲག་པོ་ཉིད།། ཕྱི་རོལ་པདྨ་འདབ་བརྒྱད་པ།
94a4 ལྷ་ཁྱམས་བཅས་པའི་དཀྱིལ་འཁོར་མཆོག། འདོད་ཡོན་རིན་ཆེན་སྐེད་བད་དང་།། དྲ་ཕྱེད་བ་ཀུ་ལི་ཡི་འཕྲེང་།། ཡང་ན་ཁ་བང་མཛེས་པའི་རྒྱན།། ཆོས་འཁོར་རི་དགས་གདུགས་དང་བཅས།།
94a5 ཐོང་སྐམ་པདྨའི་འཕྲེང་བར་ལྡན།། དུར་ཁྲོད་བརྒྱད་ཀྱིས་ཡོངས་སུ་འཁོར།། རྡོ་རྗེ་མེ་འོད་འབར་བས་འཁྲིགས།། དམ་ཚིག་ཡེ་ཤེས་གཉིས་མེད་པའི།། གསང་སྔགས་ཉེ་བ་སྔགས་པར་གནས།
94a6 བསྟན་ཞིང་མཆོད་ལ་གསོལ་བ་གདབ།། ཉེ་བར་བརྒྱན་ཅིང་ཡོངས་སུ་བསྐོར།། དེ་ནས་སློབ་དཔོན་བདག་འཇུག་བྱ།། སྦྱིན་སྲེག་ལས་ནི་རབ་ཏུ་ཤིས།། དཔལ་མགོན་པོ་ཆེན་པོ་དངོས་གྲུབ་འབྱུང
94a7 བའི་རྒྱུད་ལས། གསང་བ་ཆེན་པོའི་དཀྱིལ་འཁོར་གསལ་བར་བྱེད་པའི་ལེའུ་སྟེ་བཅུ་བདུན་པའོ།། །། དེ་ནས་གཞན་ཡང་རྣམ་བཤད་བྱ།། ཡང་ན་ལིང་ཚེ་དགུ་ལྡན་པའོ།།
iiif viewer powered by OpenSeadragon
