| e-texts navigator |
| Wylie |
93b1 ཀྱིས་ནི། ། སྡིག་པ་བྲལ་ཞིང་བགེགས་དབྱུང་བའི།། སྔགས་དང་བཅས་པའི་ཉུངས་ཀར་གྱིས།། མེ་སྦར་སྲེག་དང་བྲལ་བར་བྱ།། དེ་རྗེས་ས་ཕྱོགས་གཙང་མ་ལས།། ས་བརྟག་པ་དང་སྦྱང་བར་བྱ།།
93b2 ས་བླངས་ནས་ནི་བཀའ་ཐོབ་པས།། བརྐོ་ཞིང་རོ་ལྔ་བསལ་བར་བྱ།། དེ་ནས་བསྲུང་ཞིང་བཅག་པར་བྱ།། རྡོ་རྗེ་འཛིན་པ་བཞེངས་ནས་ནི།། རྡོ་རྗེ་གོམ་པའི་གར་སྟབས་ཀྱིས།། ཧཱུཾ་ཧཱུཾ་དྲག་པོའི་སྒྲ་བརྗོད
93b3 པས། ། ཕྱོགས་ཀུན་བཅིང་བ་བྱས་ནས་ནི།། བགེགས་ལ་བཀའ་བསྒོ་གཏོར་མ་སྦྱིན།། སློབ་མ་ཀུན་ལ་བསྲུངས་བྱས་ལ།། རྡོ་རྗེ་མགོན་པོ་ཆེན་པོ་ཡི།། ཏིང་ངེ་འཛིན་དུ་གནས་པ་ལ།། གསོལ་བ་གདབ
93b4 པས་གནང་བ་སྦྱིན། ། ཁྱད་པར་བདུད་རྩི་འཁྱིལ་བས་བསྲུངས།། ཡང་དག་ཡེ་ཤེས་སེམས་དཔའ་ཆེ།། འཁོར་བའི་གཡུལ་ལས་རྒྱལ་བྱེད་པ།། རྒྱལ་བ་མ་ལུས་བསྟན་སྐྱོང་ཆེ།། དེ་ནས་ལྷག་པར
93b5 གནས་པ་བརྩམས། ། ས་འཛིན་ལྷ་མོ་ཉིད་མཆོད་པས།། བཀའ་བྱིན་ནས་ནི་ཐིམ་པར་བལྟ།། བུམ་པ་བཀྲ་ཤིས་ཡང་དག་ལྡན།། མ་ཉམས་མཚན་ཉིད་ལྡན་པ་ལྔ།། ཁ་ཚར་མ་ཉམས་རས་རུང་དཀྲི།
93b6 སྙིང་པོ་སྨན་དང་འབྲུ་ལྔ་སོགས།། སྤྲོས་དང་རིན་ཆེན་དག་གིས་དགང་།། རྒྱུན་འབབ་ཆུ་ཡིས་གང་བ་དང་།། འབྲམ་ལྡན་ཤིང་གིས་ཁ་བརྒྱན་པའོ།། དེ་ནས་སྲུང་བའི་འཁོར་ལོ་ཡི།། བཀའ་ཡི་ཁྲོ།
93b7 བོ་རྣམ་པར་སྒོམ།། དཀྱིལ་འཁོར་དྲི་ཡི་ཐིག་ལེ་ལ།། མེ་ཏོག་གཅལ་བཀྲམ་ལྷ་རྣམས་ནི།། བསྐྱེད་ཅིང་མཆོད་ལ་གཉིས་མེད་བསྟིམ།། སོ་ཤིང་དོར་དང་ལྷས་བརྟག་པ།། བསྲུང་སྐུད་ཀུ་ཤ་སྦྱིན
iiif viewer powered by OpenSeadragon
