| e-texts navigator |
| Wylie |
91b1 ཉིད་དུ་བཤད་པར་བྱ། ། བྱ་རོག་གཡང་གཞིས་བརྒྱན་པ་ཡི།། ནག་པོ་ཕྱག་བཞི་པ་ཡི་སྐུ།། གསང་ཞིང་དམ་ཚིག་ལྡན་པས་བྲི།། དེ་ཡི་སྐུ་ཡི་རྟེན་དུ་བཤད།། གསེར་དངུལ་ལ་སོགས་ཀྱིས་བྲིས་པའི།
91b2 ནག་པོ་ཆེན་པོའི་སྙིང་པོ་དང་།། ཉེ་བའི་སྙིང་པོ་བྲིས་པ་རྣམས།། གསུང་གི་རྟེན་དུ་འདོད་པའོ།། བྱ་རོག་སོགས་དང་རྟ་ནག་སྙིང་།། ཁྱི་ཡི་སྙིང་དང་མི་ཡི་སྙིང་།། རིན་ཆེན་ལྔ་དང་བཅས་པ་རྣམས
91b3 ཐུགས་ཀྱི་རྟེན་དུ་གཟུང་བར་བྱ། ། སྙིང་གི་རྣམ་པ་ཐམས་ཅད་དང་།། ཉ་ཤ་ལ་སོགས་འབྲུ་ཡི་ཆན།། སྨན་གྱི་རྣམ་པ་ཐམས་ཅད་དང་།། བསྙེན་པའི་གཏོར་མ་བྱ་བ་ཡིན།། རྫས་དང་རྟ་གཏོར་སྟེང་དང
91b4 འོག། སྦེང་ནས་དར་ནག་གུར་གྱིས་དབུབ།། ཤ་ལྔ་སྨན་ལྔ་མྱོས་བྱེད་བཅས།། རྒྱུན་དུ་ཐུགས་དམ་བསྐུལ་ཕྱིར་མཆོད།། རྟ་ནག་ལུག་ནག་གཡག་རོག་ལ།། མགུལ་དུ་སྙིང་པོ་བྲིས་ལ་གདགས།།
91b5 དེ་ཡི་ངོ་བོ་ལེགས་ཕུལ་ལ།། ཕྱི་ཡི་རྟེན་དུ་བྱ་བར་བཤད།། ནག་པོ་རས་སམ་དར་ལ་ཡང་།། རིན་ཆེན་ལྔ་དང་བཅས་པ་ཡིས།། ནག་པོ་ཞལ་གཅིག་ཕྱག་བཞི་པ།། བྲིས་པ་ཉིན་གཅིག་གིས་རྫོགས
91b6 ནས། ། བར་ཆད་མེད་པར་རབ་གནས་བྱ།། གསང་རྟེན་ལུས་ལ་བཅང་བའོ།། སྣ་ཚོགས་འབྲུ་ནག་དཔལ་བྱས་པའི།། གཏོར་མ་མི་ཤས་བརྒྱན་པ་དག། ཕོ་བྲང་རྟེན་དང་བརྟེན་པར་བཅས།། ནང་གི
91b7 རྟེན་དུ་སློབ་པའོ། ། སྐྱེས་པ་གྲིར་ཤིའི་ཐོད་འཕྲེང་ནི།། ཡོན་ཏན་ལྡན་ཕྱིར་རྟག་ཏུ་སྲ།། མི་བསང་མཚོན་ལས་བྱས་པ་ཡི།། རྡོ་རྗེ་གྲི་གུག་ཧཱུཾ་བྲིས་པ།། འཛིན་ལས་བྱེད་པའི་ཁྱད་པར་རོ།། དམ་ཚིག
iiif viewer powered by OpenSeadragon
