| e-texts navigator |
| Wylie |
90a1 བགེགས་སྨོས་ཅི་དགོས། ། བྱང་ཆུབ་སེམས་དང་རབ་ལྡན་མ།། ངོ་བོ་ཉིད་ཀྱིས་འགྲུབ་པར་འགྱུར།། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། ལྷ་མོ
90a2 འཁོར་ལོ་དང་ལས་སྒྲུབ་པ་བསྟན་པའི་ལེའུ་སྡེ་བཅུ་གསུམ་པའོ། ། དེ་ནས་གཞན་ཡང་བཤདང་བྱ་།། གསང་བའི་ཆོ་ག་ཉམས་དགའ་བོ།། དཔལ་ལྡན་ལྷམ་དྲལ་ཐམས་ཅད
90a3 ཀྱི། སྒྲུབ་པ་རབ་ཏུ་ཉམས་དགའ་ནི།། མགོན་པོ་ཀུན་གྱི་གནས་འདི་ནི།། ཞལ་གཅིག་པ་ལ་ཕྱག་དྲུག་པ།། དང་པོ་གྲི་གུག་ཟོད་ཁྲག་འཛིན།། སྤྱན་གསུམ་མཐིང་ནག་བརྔམ་པ་ཡི།། གཡས
90a4 གཡོན་བར་མས་འཕྲེང་བ་དང་། ། ཌ་མ་རུ་ནི་འཛིན་ཅིང་རྡུང་།། ཐ་མ་གཉིས་ཀྱིས་ཁ་ཏཱཾ་དང་།། སྡིགས་མཛུབ་ཞགས་པ་འཆིང་བར་མཛད།། ཀླུ་བརྒྱད་ཀྱིས་བརྒྱན་ཁྲག་འཛག་ཞལ།། ས་བོན་རང་སྔག
90a5 འཕྲེང་བ་ཅན། ། རྒྱས་བཏབ་པས་ནི་བྱིན་བརླབས་ཤིང་།། རྡོ་རྗེ་སེམས་དཔས་དབུ་བརྒྱན་པ།། ནྱ་གྲོ་དྷ་ཡི་ཤིང་ལ་བརྟེན།། བི་ན་ཡ་ཀ་མནན་པར་བསམ།། ཨོཾ་བཛྲ་མ་ཧཱ་ཀཱ་ལ་ཀྵཾ་ཀྵེ་ཏྲ་བི་གྷྣཱཾ་བི་ནཱ་ཡ་ཀ།
90a6 ནཱཾ་ཧཱུཾ་ཧཱུཾ་ཕཊ་སྭཱ་ཧཱ། ཤ་ཆེན་བསྲེགས་སྤོས་ཕུལ་ནས་ནི།། སྐྱོ་བར་གྱུར་ན་གསང་སྔགས་བཟླས།། དེ་ལ་གཏོར་མ་དབུལ་བར་བྱ།། ཁྱད་པར་བྱིན་རླབས་གྱུར་པར་བྱ།། འཕྲིན་ལས་ཐོགས་པ་མེད་པར
90a7 འགྲུབ། ། ཨོཾ་བཛྲ་ཀྲོ་དྷ་ས་མ་ཡ་མ་ཧཱ་ཀཱ་ལཱ་ཡ་ཧཱུཾ་ཕཊ། སྐུའི་མགོན་པོའི་སྔགས་སོ།། ཨོཾ་མ་ཧཱ་ཀཱ་ལ་གུ་ཎ་ཧྲི་ད་ཧཱུཾ་ཕཊ། ཡོན་ཏན་གྱི་མགོན་པོའི་སྔགས་སོ།། ཨོཾ་བཛྲ་མ་ཧཱ་ཀཱ་ལ་རཀྵ་རུ་དྲི་བྷ་ཥ་ནི་ཧཱུཾ
iiif viewer powered by OpenSeadragon
