| e-texts navigator |
| Wylie |
89b1 སྟམྦྷ་མིང་སྤེལ་ལྡན་པས་བསྐོར།། ཕྱིན་ཅི་ལོག་ཏུ་དྲིལ་ལ་བཅིངས།། ཟག་པའི་རྫས་སོགས་ས་ལ་ནི།། ཚ་ཚ་བྱས་པའི་ནང་བཅུག་ལ།། བསྟིམ་ཞིང་མནན་ལ་མདུན་བྱས་ལ།། རྣལ་འབྱོར་སྤྲོ་བསྡུ
89b2 ཕྱག་རྒྱ་བཅིང་། ། ཐུན་གྱིས་བྲབས་ལ་བཟླས་པ་བྱ།། ལས་བཅོལ་ཞག་བདུན་ཐུན་བཞིར་བྱ།། དེ་ལ་སྔར་བཞིན་བྱས་ནས་ནི།། གནོད་པའི་ས་ཕྱོགས་དག་ཏུ་མནན།། མྱུར་དུ་འགྲུབ་པར་ཐེ་ཚོམ་མེད།།
89b3 ཐོད་པ་འམ་ནི་སྣོད་གཞན་དུ།། སྦྱིན་སྲེག་བྱས་པའི་ཐལ་བ་དེ།། ཐུན་རྫས་ཀྱིས་བྲབ་ལིང་གར་བཅས།། ཡང་ན་དྲག་པོ་ཀླུ་ལ་གཏད།། གྲུ་གསུམ་དོང་བཅུག་བརྫི་བར་བྱ།། ཁ་བཅད་ནས་ནི་དྲག་པོ་ཡི།།
89b4 ངེས་པར་ཐོབ་པར་ཐེ་ཙོམ་མེད།། དེ་ལྟར་ལས་ལ་སྦྱོར་དུས་སུ།། ཉེས་པ་བསྒོ་བའི་ཐབས་ཤེས་ནས།། སྲུང་བྱེད་ཉེས་པ་འདི་ལྟར་སྐྲག། བསྟན་པ་འཇིག་པར་བྱེད་པ་ཡི།། དགྲ་བོ་སྲུང་བྱེད་ལྷ་ཁྱོད་ཉོན།།
89b5 གདུག་པའི་སེམས་ལྡན་དགྲ་འདི་ཡིས།། དཀོན་མཆོག་བླ་མ་ལ་སྨོད་ཅིང་།། རྣལ་འབྱོར་ལ་སྡང་སེམས་ཅན་འཚེ།། སྒྲུབ་པ་པོ་ལ་བརྙས་གྱུར་པས།། དཔག་ཚད་སྟོང་དུ་ལྟུང་བ་ཡི།། དམྱལ་བའི
89b6 སྡུག་བསྔལ་མྱོང་གྱུར་པས། ། བདག་གིས་མྱུར་དུ་བསྒྲལ་ནས་ནི།། གཟུགས་ཀྱིས་ལྷ་རྣམས་མཆོད་པ་ཡིན།། ཁྱེད་ཀྱིས་སྲུང་བར་མ་བྱེད་པར།། སྡིག་ཅན་འདི་ནི་མྱུར་དུ་སྤོངས།། ཞེས་བརྗོད་པར
89b7 བྱའོ། ། བསྟན་པ་བསྲུང་བའི་བསམ་པ་དང་།། སྙིང་རྗེ་ཆེན་པོ་ལྡན་པ་ཡིས།། ཡེངས་པ་མེད་པར་བྱས་གྱུར་ན།། ངེས་པར་འགྲུབ་པར་གདོན་མི་ཟ།། བརྒྱ་བྱིན་དག་གོ་སྲོག་ཀྱང་གཡོ།། སྡིག་ཅན་དགྲ
iiif viewer powered by OpenSeadragon
