| e-texts navigator |
| Wylie |
84a1 @བརྒྱད། ། རྒྱུ་མའི་ག་ཤ་སྟག་ལྤགས་ཅན།། མི་མགོ་རློན་པའི་འཕྲེང་བ་འཆང་།། ཞལ་ནས་ཁྲག་འཛག་གང་རྒྱངས་ཅན།། ཕྱག་རྒྱ་དྲུག་གིས་སྐུ་ལ་སྤྲས།། དྲག་པོའི་ཉམས་དང
84a2 ལྡན་པ་སྟེ། ། སྐད་ཅིག་ཙམ་གྱིས་བསྐྱེང་པར་བྱ།། དེ་ཡི་ཐུགས་ཀར་ཉི་མ་ལ།། ཡེ་ཤེས་སེམས་དཔའ་གསལ་བར་དམིགས།། ཏིང་འཛིན་སེམས་དཔའ་དང་བཅས་པ།། རྟེན་དང་བརྟེན་པར་བཅས་པ
84a3 བསམ། ། དེ་ལ་འདི་ཡི་གསང་སྔགས་བྱུང་།། ཨོཾ་བཛྲ་མ་ཧཱ་ཀཱ་ལཱ་ཡ་ཧཱུཾ་ཧཱུཾ་ཕཊ། ཇི་སྲིད་སྐྱོ་བར་མ་གྱུར་པ།། གསང་སྔགས་འཕྲེང་བ་བཟླས་པར་བྱ།། དེ་ནས་ཤ་ཆེན་སྤོས་སྲེག་ཅིང་།། གཞན་ཡང
84a4 དུག་དང་ཁྲག་ལ་སོགས། ། བདུག་པའི་དུ་བས་མཆོད་པར་བྱ།། མ་ཤ་འབྲས་དང་སོ་བ་དང་།། འབྲུ་ནག་མེ་ཏོག་བྱུག་པ་དང་།། སྒྲོན་མ་ལྔ་དང་མི་འཆི་ལྔ།། འཁུར་བ་ཆན་དང་ཆང་ལ་སོགས།།
84a5 གཏོར་མ་ནག་པོ་ཆེ་ལ་དབུལ།། མཆོད་དང་བསྟོད་པ་ཚུལ་བཞིན་བྱ།། འདི་ཡི་ཉེ་བར་སྤྱད་པ་ནི།། བསྒྲུབ་བྱའི་ཟག་པའི་རྫས་རྣམས་དང་།། ཚ་བ་གསུམ་ལ་སོགས་པ་ལ།། གང་གི་མིང་དང་བཅས་པའི
84a6 གཟུགས། ། བྱས་ཏེ་དུག་གིས་བྱུགས་ནས་ཀྱང་།། ཚེར་མས་བཀང་སྟེ་ཐབ་ཁུང་དུ།། འབྲས་ཕུབ་མེ་ལ་གདུང་ལ་སོགས།། བྱ་བ་སྣ་ཚོགས་ལས་བྱ་ན།། སྐད་ཅིག་གིས་ནི་རླག་པར་བྱེད།། རྡོ་རྗེ་སློབ
84a7 དཔོན་སྨོད་བྱེད་ཅིང་། ། སངས་རྒྱས་བསྟན་པ་འཇིག་བྱེད་པ།། དཀོན་མཆོག་གསུམ་ལ་སྡང་བ་དང་།། སེམས་ཅན་ཀུན་ལ་འཚེ་བ་རྣམས།། འདི་དག་ནག་པོ་ཆེན་པོས་སྒྲོལ།། ཡན་ལག་དག་གི་ཤ
iiif viewer powered by OpenSeadragon
