| e-texts navigator |
| Wylie |
83b1 འདི་ཡིས། ། དགྲ་ཡི་ཁང་པར་བྱ་རོག་དག། མང་པོ་འབའ་ཞིག་སྐད་འདོན་དང་།། ལུས་ལ་ཚབས་ཐེབས་ལ་སོགས།། དུ་མའི་ཆོ་འཕྲུལ་འབྱུང་བར་འགྱུར།། དང་པོར་ནང་རྟགས་གསལ་བར་འཆར།།
83b2 ཕྱི་རྟགས་རིམ་གྱིས་འབྱུང་བར་འགྱུར།། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། དྲག་པོའི་མངོན་སྤྱོད་བསྟན་པའི་ལེའུ་སྟེ་དགུ་པའོ།། དེ་ནས་གདུག
83b3 བ་འདུལ་དོན་དུ། ། ནག་པོ་ཆེན་པོ་ཁྲོས་པ་ཡི།། སྒྲུབ་པའི་རིམ་པ་མཆོག་གྱུར་པ།། གཞན་ཡང་རབ་ཏུ་བཤད་པར་བྱ།། རྗེ་བཙུན་ཧེ་རུ་ཀ་དཔལ་དང་།། ནག་པོ་ཆེན་པོའི་ལྷ་ཚོགས་རྣམས
83b4 ནམ་མཁར་མངོན་པར་བལྟས་ནས་ནི། ། བདུན་པོ་ཡོངས་སུ་དག་པར་བྱ།། བཟོད་པར་གསོལ་ལ་གཤེགས་སུ་གསོལ།། དེ་རྗེས་སྟོང་པའི་ངང་ལས་ནི།། ཚད་མེད་བཞི་པོ་བསམ་པར་བྱ།། བྱང
83b5 ཆུབ་སེམས་ཀྱི་ངང་ལས་ནི། ། པདྨ་ཟླ་ཉིར་གནས་པ་ཡི།། ཧཱུཾ་ཡིག་ནག་པོར་བསམ་པར་བྱ།། དེ་ཡི་འོད་ཀྱིས་ཁྱབ་པ་ལས།། བསྡུས་ཤིང་སྐད་ཅིག་ཡོངས་གྱུར་པ།། དཔལ་ལྡན་ནག་པོ་ཆེན
83b6 པོ་ནི། ། ཞལ་གཅིག་པ་ལ་སྤྱན་གསུམ་པ།། ཕྱག་གཉིས་སྐུ་མདོག་ཤིན་ཏུ་གནག། དབུ་སྐྲ་ཁམ་ནག་གྱེན་དུ་བརྫེས།། གཡས་པ་གཤིན་རྗེའི་ལྕེ་འདྲ་བའི།། གྲི་གུག་རྣོན་པོ་འཛིན་པར་མཛད།
83b7 གཡོན་པ་ཐོད་པ་ཁྲག་བཀང་བ་སྣམས།། ཐོད་པས་སྐྲ་མཚམས་བཅིངས་པ་དང་།། ཡན་ལག་ཐུང་ཞིང་རགས་པའི་གཟུགས།། མཆེ་གཙིགས་འཇིགས་སུ་རུང་བ་སྟེ།། ལྟོས་འགྲོ་བརྒྱད་དང་རིན་ཆེན
iiif viewer powered by OpenSeadragon
