| e-texts navigator |
| Wylie |
82b1 ཕྱག་བ་ནི་འཇིགས་པའི་གཟུགས། ། ཡུམ་དང་བཅས་པ་བསྐྱེད་པ་དང་།། སྤྱན་དྲང་མཆོད་ཅིང་བསྟིམ་པར་བྱ།། ལས་མགོན་རྣམས་དང་མ་མོ་བཞི།། རྒྱལ་ཆེན་བཞི་དང་ཕྱོགས་སྐྱོང་བཅུ།། ལྷ་སྲིན
82b2 སྡེ་བརྒྱད་མ་ལུས་དང་། ། གཞན་ཡང་དུར་ཁྲོད་ཤ་ཟ་དང་།། མ་མེ་རོ་ལངས་ཅེ་སྤྱང་དང་།། སྟག་དང་དྲེད་དང་བྱ་གཅན་སོགས།། བྱ་རོག་ཁཱ་ཏ་ལ་སོགས་པས།། ཡོངས་སུ་བསྐོར་ཅིང་འཕྲིན་ལས
82b3 བྱེད། ། དེ་ནས་རང་དང་མགོན་པོ་དང་།། ལྷ་མོ་བཞི་ལ་སོགས་པ་ཡི།། ས་བོན་ལས་ནི་འོད་ཟེར་ཡང་།། ལྕགས་ཀྱུ་ལྟ་བུ་དཔག་མེད་པས།། བསྒྲུབ་བྱ་དེ་དག་མ་ལུས་པ།། སྙིང་གི་སྲོག་རྩ་ནས
82b4 དྲངས་ཏེ། ། རང་དབང་མེད་པར་རླུང་གིས་བཏེག། མྱུར་དུ་འོང་བ་མདོག་ཉམས་པ།། རིད་ཅིང་སྐྲ་འཛིངས་ཤིན་ཏུ་འདར།། ཡེད་ཡིད་དངང་ཞིང་སྐྲག་པ་དེ།། ཞགས་པས་བཅིངས་དང་བསྡམས་པ་དང་།།
82b5 དྲིལ་བུ་ལ་སོགས་སྒྲ་ཡིས་ནི།། ཤིན་ཏུ་དབང་པོ་མྱོས་གྱུར་ཏེ།། དེ་ཡི་རྣམ་པར་ཤེས་པ་ནི།། མིང་དང་བཅས་པའི་གཟུགས་ལ་བསྟིམ།། དེ་ཡི་དུས་སུ་གསང་སྔགས་ནི།། འཕྲིན་ལས་སྔགས
82b6 རིངས་མཐའ་རུ་ནི། ། ཨཱ་ཀཪྵ་ཡ་ཛཿཞེས་བརྗོད།། མགོན་པོ་ནག་པོ་ཡབ་ཡུམ་གྱི།། ལྟེ་བར་གྲུ་གསུམ་ལྕགས་ཁང་ནི།། བཙོན་དོང་མུན་ཁང་གནས་པར་བསམ།། དེ་ལས་ཐར་དུས་མེད་པར་བྱ།།
82b7 དེ་ནས་དོང་དེ་རོ་གཡམ་ལ།། རྡོ་རྗེ་རྒྱ་གྲམ་བྲིས་པས་མནན།། མཐའ་མར་ལས་སྦྱོར་དུས་སུ་ཡང་།། བསྒྲུབ་བྱའི་ཐེམ་པའམ་ལམ་ངག་ཏུ།། མནན་པ་བྱས་ལ་འཕྲིན་ལས་བཅོལ།། གལ་ཏེ་དེ
iiif viewer powered by OpenSeadragon
