| e-texts navigator |
| Wylie |
82a1 ལེའུ་སྡེ་བརྒྱད་པའོ། ། དེ་ནས་གཞན་ཡང་བཤདང་བྱ་བ།། དཔལ་ལྡན་ནག་པོ་ཆེན་པོ་ཡི།། རྣལ་འབྱོར་ཏིང་འཛིན་ལ་ཞུགས་ཏེ།། མངོན་པར་སྤྱོད་པ
82a2 བརྩམ་པར་བྱ། ། ཁྱད་པར་དུར་ཁྲོད་པ་ཡི་ཤིང་།། ལྷ་འདྲེག་ཏུམ་པོ་གནས་པ་ལས།། མ་མོའི་བྱེ་བྲག་བརྟགས་པ་ལས།། བཅང་པ་མགོ་མཇུག་མ་ནོར་བར།། གཉིས་གཤེགས་དེ་ནས་སྔགས་བྲིས
82a3 ལ་བསྡམས་ཏེ་བླང་བ་མིག་གིས་ནི། ། ཕྱེ་བའི་བདུན་ཕྲག་གསུམ་པ་ལ།། ལེགས་པར་གཞག་སྟེ་ཚང་དུ་བྱ།། དཀྱིལ་འཁོར་གྲུ་གསུམ་པ་ལ་གཟུགས།། གཞན་ཡང་བསྒྲུབ་བྱའི་གཟུགས་དག་ནི།།
82a4 ཟུར་གསུམ་ཚུད་པ་སྔགས་དང་བཅས།། མང་སྤེལ་བསྐུལ་ཚིག་ལྡན་པ་ན།། གྲངས་ནི་རབ་འབྲིང་ཐ་མ་སྟེ།། ཅི་རིགས་པར་ནི་བྱེ་བར་གསུངས།། ཡང་ནི་རོ་སྒོམ་ཤིང་ལ་ཡང་།། བྱང་བུ་བྱས་ལ
82a5 ལིང་ག་བྲི། ། གཞན་དུ་མགོན་པོ་ཡབ་ཡུམ་གྱི།། འཁོར་ལོ་ལེགས་པར་བྲིས་པ་དང་།། བསྒྲུབ་བྱ་སྲོག་གི་འཁོར་ལོ་ནི།། གྲི་གུག་ལྔ་པ་འཁོར་བ་དག། དེ་དག་བར་དུ་བཅུག་པ་དང་།། ཡང་ན་མགོན
82a6 པོའི་འཁོར་ལོ་དང་། ། བསྒྲུབ་བྱ་དུ་ཡོད་ལིང་ག་རྣམས།། དེ་ཡི་ནང་དུ་དྲིལ་བར་བྱ།། འཁོར་ལོ་ཚོན་སྐུད་རྣམ་ལྔས་དཀྲི།། དེ་ཡི་ཕྱི་རོལ་ཀུ་ཤ་ཡི།། རྩཝ་ཡི་མི་གཟུགས་བྱས་ནས་ཀྱང་།། རང་མདུན
82a7 གྲུ་གསུམ་ནག་པོ་ཡི། ། ནང་དུ་གཟུགས་དེ་གཞུག་པར་བྱ།། དེ་ལ་ལྷ་དང་དབྱེ་བ་དང་།། ཉེས་པ་བསྒོ་ཞིང་བསྒྲག་པར་བྱ།། དེ་ནས་བདག་ཉིད་ལྷ་དང་ནི།། མདུན་དུ་ནག་པོ་ཆེན་པོ་ནི།། ཞལ་གཅིག
iiif viewer powered by OpenSeadragon
