| e-texts navigator |
| Wylie |
81b1 སྟེང་ནོན་ཨོཾ་དང་བཛྲ་སྟེ།། དེ་ཡི་ཕྱི་རིམ་རྩིབས་བརྒྱད་ལ།། ཨ་མུ་ཀཾ་དང་བ་ཡི་ནི།། ཡི་གེ་བཅུ་གསུམ་གཉིས་གཉིས་པ།། གཡས་སྐོར་དག་ཏུ་དགོད་པར་བྱ།། དེ་ཡི་ཕྱི་རིམ་པད་འདབ་བརྒྱད།
81b2 སྒོ་མཚམས་ལྷ་མོའི་འཁོར་ལོའི་སྔགས།། མིང་སྤེལ་བཅས་པ་དགོད་པར་བྱ།། དེ་ཡི་ནང་གི་གྲུ་ཆང་བཞིར།། ཧཱུཾ་གཉིས་ཕཊ་དང་བཅས་པ་ལ།། མིང་སྤེལ་བཅུག་ལ་བྲི་བར་བྱ།། ཁྱད་པར་སྦས་པའི
81b3 འཁོར་ལོ་ནི། ། དབུས་སུ་རླུང་གི་ས་བོན་ཉིད།། ཕྱོགས་བཞིར་མཁའ་འགྲོ་མ་བཞི་གནས།། ཕྱོགས་བཞིར་སྔགས་ཀྱི་འཕྲེང་བ་ལས།། ཕྱི་རོལ་རྩིབས་ལ་གཅོད་པའི་སྔགས།། འདབ་བརྒྱད་ཆ་ལ་ཙཎྜི
81b4 ཀ། མཐའ་རྟེན་སྔ་མ་དག་དང་མཚུངས།། ཡང་ན་རིམ་པ་གསུམ་པ་ཡི།། གསང་སྔགས་མ་ཧཱ་ཀཱ་ལ་ཡི།། འཕྲིན་ལས་ཁྱད་པར་དགོད་པར་བྱ།། འདིས་ནི་ཤིན་ཏུ་མངོན་སྤྱོད་མྱུར།། ཐབས་དང་ཤེས
81b5 རབ་ཁྱད་པར་དང་། ། སྟེང་འོག་བར་གྱི་དབྱེ་བ་ཡིས།། ཟད་ད་ལྕགས་ཀྱི་གྲི་གུག་གིས།། བླ་དང་ཚེ་སྲོག་དོན་སྙིང་ལ།། མྱུར་དུ་འཁོར་བས་གཅོད་པར་བྱེད།། སྡུད་བྱེད་འཕྲོག་ཅིང་ལེན་པའི་སྲོག
81b6 བསྒྲལ་བ་རྡོ་རྗེ་རིགས་ཀྱི་ལས། ། ཐུན་མོང་དུ་ནི་བྱ་བ་ཡིན།། ཁྱད་པར་འཁོར་ལོ་དྲིལ་བྱ་སྟེ།། དུས་ཀྱི་རིམ་པས་ལས་ལ་སྦྱར།། འདི་ནི་ཀུན་ཏུ་མནན་པ་སྟེ།། ལས་ཀྱི་གཤིན་རྗེའི་གནས་སུ་གཏད།
81b7 འཁོར་ལོ་ལ་ཡང་བསྙེན་པ་དང་།། བསྒྲུབ་པ་གོ་རིམ་ནོར་མི་བྱ།། འདིས་ནི་བྱ་བ་མི་འགྲུབ་མེད།། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་སྔགས་དང་འཁོར་ལོ་སྒྲུབ་པའི
iiif viewer powered by OpenSeadragon
