| e-texts navigator |
| Wylie |
79b1 པོའི་བཅུ་དྲུག་པ་མཐའ་བྱ། ། མཐར་ནི་ཧཱུཾ་ཕཊ་སྦྱར་བར་བྱ།། སྡེ་ཚན་གཉིས་པའི་དང་པོ་ལ།། ཨནྟསྠ་ཡི་གཉིས་པ་སྦྱར།། དང་པོའི་དགུ་པ་བླང་བ་ཉིད།། དྲུག་པ་ཡི་ནི་ལྔ་པ་ལ།། ཐིག་ལེ་ནཱ་དས
79b2 བརྒྱན་པའོ། ། གཉིས་པ་ཡི་ནིང་པོ་ལ།། དྲུང་དུ་དེ་ཉིད་ལྔ་པ་སྦྱར།། གཉིས་པའི་དང་པོ་དེ་ཉིད་དང་།། དབྱངས་ཀྱི་དགུ་པ་སྦྱར་བར་བྱ།། མཐར་གནས་པ་ཡི་བཞི་པ་ལ།། བདུན་པ་ཡི་ནི་གཅིས
79b3 པ་སྦྱར། ། དེ་ལ་ཐིག་ལེནཱ་དས་བརྒྱན།། གཉིས་པ་ཡིནི་དང་པོ་ལ།། ཨནྡྲ་སྠ་ཡི་གསུམ་པ་དང་།། བདུན་པ་ཡི་ནི་གཉིས་པོ་སྦྱར།། ལྔ་པའི་དང་པོ་ཉིད་ལ་ཡང་།། དབྱངས་ཀྱི་བདུན་པ་སྟེང
79b4 འོག་སྦྱར། ། བདུན་པ་ཡི་ནི་གཉིས་པ་ལ།། ཐིག་ལེ་ནཱ་དས་མཛེས་བྱས་པའོ།། འདི་དག་ཀུན་གྱི་ཐོག་མ་དང་།། ཐ་མར་ཡང་དག་བརྟེན་པར་བྱ།། འདི་ནི་ཌཱ་ཀི་བཞི་དག་གི། སྙིང་པོ་སྦས་པ
79b5 མཆོག་ཏུ་གསུངས། ། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། གསང་སྔགས་རིམ་པར་བསྟན་པའི་ལེའུ་སྟེ་བདུན་པའོ།། ། དེ་ནས་གཞན་ཡང་བཤད
79b6 པར་བྱ། ། གསང་བ་སྔགས་ཀྱི་འཁོར་ལོ་ལས།། མཐར་ནི་ཧཱུཾ་ཕཊ་སྦྱར་བར་བྱ།། ལྷ་ཡི་འཁོར་ལོ་རྒྱ་མཚོ་ཉིད།། ལན་ཚྭ་ཆུ་རྒྱུན་འབབ་པའི་ངང་།། གངས་ཀྱི་ཐིགས་པ་བདུད་རྩིའི་ཆུ།
79b7 མེ་ཏོག་མདངས་གསལ་སྙིང་པོ་ཡི།། གེ་སར་ཟེ་འབྲུར་ལྡན་པ་ལ།། འདབ་རྒྱས་ཡེ་ཤེས་ཉི་ཤར་བས།། རང་གྲོལ་མདངས་འབར་རབ་ཏུ་རྒྱས།། རྡོ་རྗེ་རིན་ཆེན་རལ་གྲི་དང་།། འཁོར་ལོ
iiif viewer powered by OpenSeadragon
