| e-texts navigator |
| Wylie |
74a1 སྐུ་རྫོགས་པ། ། ནག་པོ་ཆེན་པོ་བསམ་པར་བྱ།། ཞལ་གཅིག་ཕྱག་བཞི་འཇིགས་པའི་གཟུགས།། དཔའ་བོ་ཆེན་པོ་རོལ་པས་བཞུགས།། ཡབ་ཡུམ་གཉིས་སུ་མེད་པར་བསམ།
74a2 དེ་ལྟར་ཡབ་ཡུམ་རྫོགས་བསྐྱེད་ནས།། མཁའ་གསང་བྱིན་གྱིས་བརླབ་བྱ་སྟེ།། སྔགས་བརྗོད་པས་ནི་དགྱེས་པ་བསྐྱེད།། དེ་ལས་དཀྱིལ་འཁོར་ལྷ་ཚོགས་རྣམས།། ཡབ་ཡུམ་སྙོམས་པར་ཞུགས་པ
74a3 ལས། ། ཡུམ་གྱི་མཁའ་དབྱིངས་བདེ་ཆེན་དུ།། སོ་སོར་ཆོ་གས་བསྐྱེད་བྱས་ལ།། ཕྱི་རོལ་དུ་ནི་རིམ་གྱིས་འབྱུང་།། དང་པོར་གཙོ་བོའི་རྒྱན་དང་བཅས།། རྫོགས་པར་ཕྱུང་སྟེ་དྷཱུ་ཏཱི་ནས།། གྱེན་དུ་ཐུགས
74a4 ཀའི་པདྨ་ལས། ། འཐོན་ཏེ་འགྲོ་བའི་དོན་བྱས་ལ།། སླར་འདུས་རང་ལ་ཐིམ་གྱུར་པ།། དཔལ་ལྡན་སྙིང་རྗེའི་སྟོབས་སུ་གནས།། དེ་ལས་རིམ་པ་ཇི་བཞིན་དུ།། ཕྱུང་ནས་སོ་སོའི་གདན་ལ་བཞུགས།
74a5 གཙོ་བོའི་ཕྱོགས་བཞིར་མཁའ་འགྲོ་བཞི།། ཞལ་གཅིག་ཕྱག་ནི་བཞི་པ་སྟེ།། གར་སྟབས་ལྡན་པའི་ལྷ་མོ་ནི།། གཡས་བརྐྱང་བ་ནི་རྣམ་པར་འགྱིང་།། དཔའ་མོ་བདེ་བའི་སྐུར་བསྐྱེད་པའོ།། མཚམ
74a6 བཞིར་ཐོད་པ་བདུད་རྩིས་བཀང་། ། སྣ་ཚོགས་པད་འདབ་ལ་གནས་པ།། ཉི་མ་ལ་གནས་མགོན་པོ་ནི།། ཤར་དུ་སྐུ་ཡི་མགོན་པོ་དང་།། ལྷོ་རུ་ཡོན་ཏན་མགོན་པོ་དང་།། ནུབ་ཏུ་གསུང་གི་མགོན་པོ
74a7 དང་། ། བྱང་དུ་ལས་ཀྱི་མགོན་པོ་སྟེ།། ཐམས་ཅད་ཞལ་གཅིག་ཕྱག་གཉིས་པ།། གྲི་གུག་ཐོད་པ་བསྣམས་པའོ།། སོ་སོའི་གཡོན་དུ་ཡུམ་རེ་རེ།། གཏུམ་མོ་དང་ནི་དྲག་མོ་དང་།། ཟློག་བྱེད་མ
iiif viewer powered by OpenSeadragon
