| e-texts navigator |
| Wylie |
6b1 ལྔ་སྟོན་ཡེ་ཤེས་འབར། ། དེ་ནས་འཁོར་ཐམས་ཅད་དགའ་ནས་རྒྱུད་ཐམས་ཅད་ཀྱི་དོན་ལ་ཡི་རང་བར་གྱུར་ཏོ།། དཔལ་ཟླ་བའི་འཕྲེང་བའི་རྒྱུད་ཀྱི་རྒྱལ་པོ་རྫོགས་སོ།།
6b2 རྒྱུ་གར་གྱི་མཁན་པོ་ག་ཡ་དྷཱ་ར་དང་། ལོ་ཙང་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤཱི་རཏྣ་ཛྭ་ལ་ཏནྟ་རཱ་ནཱ་མ།
6b3 བོད་སྐད་དུ། དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། ཧེ་ཧེ་རྡོ་རྗེ་སྙིང་པོ་དང་།། མཁའ་སྤྱོད་མ་ལ་སོགས་པ་དག། སྒོ་གསུམ
6b4 ལེགས་པར་བསྡུས་ནས་ནི། ། ར་ལི་ཆེན་པོའི་དབྱེ་བ་ཉོན།། ལ་ལས་བྱུང་བ་ཐབས་ཀྱི་རྒྱུད།། ར་ལས་བྱུང་བ་ཤེས་རབ་རྒྱུད།། ཨི་ཕྱིས་ཨ་ལས་གཉིས་མེད་རྒྱུད།། ཐབས་ནི་སྐུ་སྟེ་ཤེས་རབ
6b5 གསུང་། ། གཉིས་མེད་ཐུགས་སུ་ཤེས་པར་བྱ།། སྐུ་གསུང་ཐུགས་ཀྱི་རང་བཞིན་ལས།། ཉི་ཤུ་རྩ་བཞི་བྱུང་བའོ།། ཨ་ལ་ལ་ཧོ་ཨི་མའོ།། ཐབས་ནི་ལ་ལས་ཇི་ལྟར་བྱུང་།། ར་ལས་ཤེས
6b6 རབ་ཇི་ལྟར་བྱུང་། ། ཨ་ལས་གཉིས་མེད་ཇི་ལྟར་བྱུང་།། སྐུ་གསུང་ཐུགས་སུ་ཇི་ལྟར་འགྱུར།། ཉི་ཤུ་རྩ་བཞིར་ཇི་ལྟར་དབྱེ།། ཨེ་མ་ཧོ་མགོན་པོས་བཤད་དུ་གསོལ།། འཇིགས་བྱེད་ཆེན
6b7 པོས་བཀའ་སྩལ་པ། ། ཨ་ལས་ཨ་བ་དྷཱུ་ཏཱི་སྟེ།། འདི་ཉིད་ལས་ནི་གཉིས་མེད་རྒྱུད།། འབྱུང་བའི་གནས་དང་རྒྱུ་རུ་བརྟག། ལ་ལས་ལ་ལ་ནཱ་ཡི་རྩ།། དེ་ལས་ཐབས་ཀྱི་རྒྱུད་བྱུང་བའི།། རྒྱུ་དང
iiif viewer powered by OpenSeadragon
