| e-texts navigator |
| Wylie |
69a1 ནས་གསང་བ་བཤད་བྱ་བ། ། འདི་ཉིད་བླ་མེད་སྒྲུབ་པ་པོ།། འཁོར་བའི་རྒྱ་མཚོར་ལྷུང་བ་ཡི།། སེམས་ཅན་སྡུག་བསྔལ་གཟིགས་ནས་ནི།། ཇི་ལྟ་ཇི་ལྟར་གྲོལ་འགྱུར་བ།
69a2 དེ་དང་དེ་ཡི་ཐབས་སྟོན་མཛད།། དུས་ནི་བསྐལ་པ་བཟང་པོ་ཡི།། རྫོགས་ལྡན་ཐ་མར་གྱུར་པ་ཡི།། དཔག་མེད་དུས་ལས་འདས་ནས་ནི།། གཉིས་ལྡན་དང་ནི་གསུམ་ལྡན་ལས།། རྩོད་པའི་དུས་ཀྱི
69a3 རིམ་པ་ལ། ། བཅོམ་ལྡན་ཚེ་ལོ་བརྒྱ་པའི་དུས།། དེ་ཉིད་བསྟན་པའི་སྙིགས་མ་ཡི།། ལྔ་བརྒྱ་པ་ཡི་དུས་ཀྱི་མཐར།། ཤིན་ཏུ་གདུག་ཅིང་རྩུབ་པ་ཡི།། མི་བསྲུན་པ་ཡི་དུས་ཀྱི་ཚེ།། དེ་ཚེ་མགོན
69a4 པོའི་བསྟན་པ་འབྱུང་། ། གང་ཟག་ལ་ཡང་གཉིས་སུ་བཤད།། བསྒྲལ་བར་བྱ་བའི་གང་ཟག་དང་།། སྒྲོལ་བར་བྱེད་པའི་སྒྲུབ་པོ་སྟེ།། དང་པོ་བསྟན་པ་འཇིག་བྱེད་ཅིང་།། དཀོན་མཆོག་གསུམ་པོ
69a5 སྨོད་པ་དང་། ། བླ་མ་ལ་སྡང་བདག་ལ་སྨོད།། དེ་དག་ལ་སོགས་བྱ་བར་བཤད།། སྒྲུབ་པ་པོ་ནི་རྣམ་པ་གསུམ།། ཧེ་རུ་ཀ་དཔལ་རྣལ་འབྱོར་མ།། དག་ཅིང་སྦྱངས་ཏེ་ཏིང་འཛིན་གསལ།། རིམ་པ
69a6 གོ་འཕང་ཐོབ་པ་སྟེ། ། ཐུན་མོང་སྤྱི་དང་བྱེ་བྲག་ཏུ།། དམ་ཚིག་གནས་པའི་རྡོ་རྗེ་འཛིན།། གནས་ཀྱི་ཁྱད་པར་འབྱུང་བ་ཡང་།། བསྙེན་པའི་དུས་དང་བསྒྲུབ་པ་དང་།། ལས་ལ་སྦྱར་བའི་དུས་ཤེས
69a7 པས། ། ཡིད་འོང་དབེན་དང་དུར་ཁྲོད་སོགས།། བསམ་གཏན་འཕེལ་དང་ཁྱད་པར་བའོ།། ཡུལ་དང་དབང་པོའི་སྤྱོད་ཡུལ་དུ།། མཐོང་བ་དང་ནི་ཐོས་པ་དང་།། རེག་པ་དང་ནི་དྲན་པ་ཡིས།།
iiif viewer powered by OpenSeadragon
